Zabbuli 136:1-26 LGCB2014 - Bible AI

¹Mwebaze Mukama kubanga mulungi, kubanga okwagala kwe kubeerera emirembe gyonna.

²Mwebaze Katonda wa bakatonda bonna,

²kubanga okwagala kwe kubeerera emirembe gyonna.

³Mwebaze Mukama wʼabafuzi,

³kubanga okwagala kwe kubeerera emirembe gyonna.

⁴Oyo yekka akola ebyamagero ebikulu,

⁴kubanga okwagala kwe kubeerera emirembe gyonna.

⁵Oyo eyakola eggulu mu kutegeera kwe,

⁵kubanga okwagala kwe kubeerera emirembe gyonna.

⁶Oyo eyabamba ensi ku mazzi,

⁶kubanga okwagala kwe kubeerera emirembe gyonna.

⁷Oyo eyakola ebyaka ebinene,

⁷kubanga okwagala kwe kubeerera emirembe gyonna.

⁸Enjuba yagikola okufuganga emisana,

⁸kubanga okwagala kwe kubeerera emirembe gyonna.

⁹Omwezi nʼemmunyeenye yabikola okufuganga ekiro,

⁹kubanga okwagala kwe kubeerera emirembe gyonna.

¹⁰Oyo eyatta ababereberye bʼAbamisiri,

¹⁰kubanga okwagala kwe kubeerera emirembe gyonna.

¹¹Nʼaggya Isirayiri mu Misiri,

¹¹kubanga okwagala kwe kubeerera emirembe gyonna.

¹²Yabaggyamu nʼomukono gwe ogwʼamaanyi gwe yagolola;

¹²kubanga okwagala kwe kubeerera emirembe gyonna.

¹³Oyo eyayawulamu amazzi gʼEnnyanja Emyufu,

¹³kubanga okwagala kwe kubeerera emirembe gyonna.

¹⁴Nʼayisa abaana ba Isirayiri wakati waayo,

¹⁴kubanga okwagala kwe kubeerera emirembe gyonna.

¹⁵Naye nʼasaanyaawo Falaawo nʼeggye lye mu Nnyanja Emyufu;

¹⁵kubanga okwagala kwe kubeerera emirembe gyonna.

¹⁶Oyo eyakulembera abantu be mu ddungu,

¹⁶kubanga okwagala kwe kubeerera emirembe gyonna.

¹⁷Ye yafufuggaza bakabaka abaatiikirivu,

¹⁷kubanga okwagala kwe kubeerera emirembe gyonna.

¹⁸Nʼatta bakabaka abʼamaanyi,

¹⁸kubanga okwagala kwe kubeerera emirembe gyonna.

¹⁹Ye yatta ne Sikoni, kabaka wʼAbamoli,

¹⁹kubanga okwagala kwe kubeerera emirembe gyonna.

²⁰Era ye yatta ne Ogi kabaka wa Basani,

²⁰kubanga okwagala kwe kubeerera emirembe gyonna.

²¹Nʼawaayo ensi yaabwe okuba obutaka,

²¹kubanga okwagala kwe kubeerera emirembe gyonna.

²²Okuba obutaka bwa Isirayiri omuddu we,

²²kubanga okwagala kwe kubeerera emirembe gyonna.

²³Oyo eyatujjukira nga tuweddemu ensa,

²³kubanga okwagala kwe kubeerera emirembe gyonna.

²⁴Nʼatuwonya abalabe baffe,

²⁴kubanga okwagala kwe kubeerera emirembe gyonna.

²⁵Oyo awa abantu nʼebiramu byonna ekyokulya,

²⁵kubanga okwagala kwe kubeerera emirembe gyonna.

²⁶Kale mwebaze Katonda wʼeggulu,

²⁶kubanga okwagala kwe kubeerera emirembe gyonna.