1Zabbuli ya Dawudi Ayi Mukama, ani anaabeeranga mu nnyumba yo? Ani anaatuulanga ku lusozi lwo olutukuvu?
2ⓒ Oyo ataliiko kya kunenyezebwa, akola ebyʼobutuukirivu, era ayogera ebyʼamazima nga biviira ddala mu mutima gwe.
3ⓓ Olulimi lwe talwogeza bya bulimba, era mikwano gye tagiyisa bubi, so tasaasaanya ŋŋambo ku baliraanwa be.
4ⓔ Anyooma ababi, naye abatya Mukama abassaamu ekitiibwa. Atuukiriza kyʼasuubiza ne bwe kiba nga kimulumya.
5Bwʼawola tasaba magoba; so takkiriza kulya nguzi ku muntu yenna. ⓕ Oyo akola ebyo aliba munywevu emirembe gyonna.