1Ya mukulu wa Bayimbi: ya ndere. Zabbuli ya Dawudi Otege okutu eri ebigambo byange, Ayi Mukama; olowooze ku kunyolwa kwange.
2Wuliriza eddoboozi lyʼomulanga gwange, Ayi Kabaka wange era Katonda wange: kubanga ggwe gwe nsaba.
3Ayi Mukama, buli nkya owulira eddoboozi lyange; buli nkya ndeeta gyʼoli okusaba kwange, ne nnindirira onziremu.
4Kubanga ggwe Ayi Katonda, tosanyukira bibi: nʼebitasaana tobigumiikiriza.
5ⓥ Abʼamalala era abakola ebibi tobeetaaga mu maaso go: kubanga okyawa abakola ebibi bonna.
6Abalimba bonna obazikiriza; Mukama akyawa abatemu era nʼabalimba.
7Naye olwʼekisa kyo ekingi, nze nnaayingiranga mu nnyumba yo: ne nkusinziza mu Yeekaalu yo Entukuvu nʼokutya okungi.
8ⓦ Onkulembere, Ayi Mukama, mu butuukirivu bwo, olwʼabalabe bange, ondage ekkubo eggolokofu eryʼokutambulirangamu.
9Abalabe bange bye boogera tebyesigibwa; emitima gyabwe gijjudde bussi bwereere. Emimiro gyabwe ntaana eyasaamiridde: akamwa kaabwe koogera bya bulimba.
10Basalire omusango gubasinge, Ayi Katonda; baleke bagwe mu mitego gyabwe. Bagobe kubanga baakujeemera.
11Naye leka abo bonna abakwesiga basanyukenga; ennaku zonna bayimbenga nʼessanyu, obakuumenga, abo abaagala erinnya lyo basanyukirenga mu ggwe.
12Kubanga, Ayi Mukama, omutuukirivu omuwa omukisa; era omukuuma, nʼomwetoolooza okwagala ngʼengabo.