1Eri Omukulu wa Bayimbi; nʼebivuga ebyʼenkoba ebyʼEkiseminisi. Ayi Mukama, tonnenya ngʼojjudde obusungu; so tombonereza mu kiruyi kyo.
2ⓧ Onsaasire, Ayi Mukama, kubanga ndi munafu. Omponye, Ayi Mukama, kubanga amagumba gange gali mu bulumi.
3Emmeeme yange ejjudde ennaku. Olirindirira kutuusa ddi olyoke onnyambe?
4Onkyukire, Ayi Mukama, olokole omwoyo gwange; omponye okufa olwʼokwagala kwo okungi.
5ⓨ Kubanga tewali ayinza kukujjukira ngʼamaze okufa. Ani alikutendereza ngʼasinziira emagombe?
6Mpweddemu amaanyi olwʼokusinda. Buli kiro obuliri bwange bujjula amaziga gange nʼomutto ne gutoba.
7ⓩ Amaaso gange ganafuye olwʼokunyolwa, tegakyalaba bulungi olwʼabalabe bange.
8Muve we ndi mmwe mwenna abakola ebibi; kubanga Mukama awulidde okukaaba kwange.
9Mukama awulidde okwegayirira kwange, nʼokusaba kwange akukkirizza.
10Abalabe bange bonna baliswazibwa era balitya nnyo; bazzibwe emabega nga bajjudde obuswavu mangu ago.