1Zabbuli. Oluyimba lwa Ssabbiiti Kirungi okwebazanga Mukama, nʼokuyimba ennyimba nʼokutenderezanga erinnya lyo, Ayi Ggwe, Ali Waggulu Ennyo;
2okutendanga okwagala kwo okutakoma buli nkya, nʼokutendanga obwesigwa bwo buli kiro.
3ⓓ Okukutenderezanga nʼamaloboozi gʼenkoba zʼennanga nʼendere awamu nʼentongooli.
4Kubanga ggwe, Ayi Mukama, onkoledde ebinsanyusizza; kyenva nkuyimbira nʼessanyu olwʼemirimu gyʼemikono gyo.
5ⓔ Emirimu gyo nga mikulu, Ayi Mukama; ebirowoozo byo nga tebitegeerekeka!
6Omuntu atalina magezi tamanyi; nʼomusirusiru kino tasobola kukitegeera;
7ⓕ Newaakubadde ngʼabakola ebibi baloka ngʼomuddo, nʼaboonoonyi bonna ne bafuna ebirungi, boolekedde okuzikirira okwʼemirembe nʼemirembe!
8Naye ggwe, Ayi Mukama, ogulumizibwa emirembe gyonna.
8
9Kubanga abalabe bo, Ayi Mukama, abalabe bo balizikirira, abakola ebibi bonna balisaasaanyizibwa.
10Naye nze wanfuula wa maanyi okwenkana embogo, nʼonfukako amafuta amalungi.
11Amaaso gaalaba bbugwe ngʼagwa ku balabe bange; nʼamatu gange gawulidde akabi akatuuse ku abo abanjigganya.
12Abatuukirivu balyegolola ngʼenkindu, ne bakula ne bawanvuwa ngʼemivule gyʼe Lebanooni.
13Egisimbibwa mu nnyumba ya Mukama. Baligimukira mu mpya za Katonda waffe.
14Ne mu bukadde bwabwe balibala ebibala; baliba balamu era abagimu,
15ⓖ kiryoke kitegeeze nti, Mukama wʼamazima, lwe Lwazi lwange era mu ye temuli butali butuukirivu.