1Zikisanze ekibuga ekijooga, ekijeemu era ekyonoonefu!
2Tekigondera ddoboozi lya Mukama, wadde okukkiriza okubuulirirwa; tekyesiga Mukama; wadde okusemberera Katonda waakyo.
3Abakungu baakyo mpologoma eziwuluguma, era nʼabalamuzi baakyo misege gya kiro, bakirimululu abatafissaawo kantu.
4Bannabbi baakyo si ba buvunaanyizibwa era ba nkwe; bakabona baakyo baweebuusizza ekifo ekitukuvu, era bamenya amateeka.
5Mukama ali wakati mu kyo, mutuukirivu era tasobya. Buli nkya alamula mu bwenkanya, era buli lukya talemwa; naye atali mutuukirivu taswala.
5
6“Nsanyizzaawo amawanga, era ebigo byabwe bifufuggaziddwa; nzisizza enguudo zaabwe, ne wataba ayitamu. Ebibuga byabwe bizikiridde, ne watabaawo muntu nʼomu abeeramu.
7Nagamba eri ekibuga nti, ‘Ddala onontya, era onokkiriza okubuulirirwa.’ Ennyumba zaakyo tezandimaliddwawo, nʼebibonerezo byange byonna tebyandimutuuseeko. Naye beesunganga nnyo okukola ebitasaana mu byonna bye baakolanga.
8Noolwekyo munnindirire,” bwʼayogera Mukama. Olunaku lwe ndiyimirira ne ntegeeza byonna kubanga mmaliridde okukuŋŋaanya amawanga, ndireeta obwakabaka wamu okubayiwako obusungu bwange, nʼekiruyi kyange kyonna. Omuliro ogwʼobuggya bwange gulisaanyaawo ensi yonna.
9Mu biro ebyo ndirongoosa enjogera eyʼamawanga; bonna balikoowoola erinnya lya Mukama, okumuweereza nʼomwoyo gumu.
10Okuva emitala wʼemigga egyʼObuwesiyoopya, abo abansinza, abantu bange abasaasaana, balindeetera ssaddaaka.
11Ku lunaku olwo toliswala olwʼebyo byonna byʼosobezza gye ndi: kubanga ndiggya wakati mu ggwe abo abeenyumiririza mu malala, toliddayo nate kwegulumiza ku lusozi lwange olutukuvu.
12Naye ndireka wakati mu ggwe abantu abakakkamu era abeetoowaze, abo abesiga erinnya lya Mukama.
13ⓒ Ekitundu kya Isirayiri ekirisigalawo tebalikola bitali bya butuukirivu so tebalyogera bya bulimba wadde okuba abakuusa. Balirya, baligalamira, so tewaliba alibatiisa.
14Yimba, ggwe omuwala wa Sayuuni; yogerera waggulu, ggwe Isirayiri; sanyuka ojaguze nʼomutima gwo gwonna, ggwe omuwala wa Yerusaalemi.
15Mukama akuggyeeko ekibonerezo kyo, agobyewo omulabe wo. Kabaka wa Isirayiri, Mukama, ali naawe; tokyaddayo kutya kabi konna.
16Ku lunaku olwo Yerusaalemi kirigambibwa nti, “Totya, ggwe Sayuuni; emikono gyo gireme okuddirira.
17Mukama Katonda ali naawe, owʼamaanyi alokola: alikusanyukira, alikukkakkanyiza mu kwagala kwe, alikusanyukira nʼokuyimba.”
17
18“Ennaku eyabakwatanga olwʼembaga ezabakuŋŋaanyanga ndigibaggyako; kubanga kibafuukidde omugugu.
19Laba, mu biro ebyo ndibonereza abo bonna abaakubonyaabonya: era ndinunula omulema, ne nkuŋŋaanya nʼabo abaasaasaanyizibwa; era ndibafuula ettendo ne mbawa ekitiibwa mu nsi zonna gye baaswazibwa.
20Mu biro ebyo ndibakuŋŋaanya; mu kiseera ekyo ndibazza eka. Weewaawo ndibawa ekitiibwa nʼettendo mu mawanga gonna agʼomu nsi zonna, bwe ndikomyawo obugagga bwammwe nga mulaba,”