1“Bende ingʼeyo kinde ma diek manie got nywolie?
2Bende inyalo ngʼeyo dweche ma igi pongʼie?
3Gigoyo chonggi piny ka ginywol,
4Nyithindgi dongo motegno kendo mopugno ka gin e thim;
5“En ngʼa mane ogonyo kanyna e bungu?
6Ne amiye thim motwo kaka dalane,
7Gidak mabor gi mier, omiyo ok giwinj koko ma ji goyo;
8Okwayo ewi gode eka oyud lum mochamo
9“Bende jowi ma e thim yie tiyoni?
10Bende inyalo boye moluni opara tir?
11Bende diket genoni kuom tekone mangʼenygo?
12Bende in-gi adiera ni onyalo tingʼoni cham
13“Udo kwadho bwombene gi mor,
14Onywolo tonge piny e lowo
15kendo ok odew ni gimoro
16Ojwangʼo nyithinde ma pod yom, ka gima ok gin mage owuon;
17nikech Nyasaye ne ok omiye rieko
18Kata kamano ka oyaro bwombene mondo oringi,
19“In ema imiyo faras teko ma en-go
20In ema imiyo ochikore ka bonyo,
21Ogwetho piny gi mirima gi tekre duto,
22Ok oluor kendo onge gima goye kibaji,
23Pien motingʼie asere tuomore e bathe kama oliere,
24Ogwetho koikore ne lweny;
25Ochur seche duto mowinjo ka turumbete ywak!
26“Riekoni bende nyalo miyo ongo ringi
27Bende inyalo chiko ongo mi fu kochomo polo,
28Odak ewi lwendni maboyo kendo odak kuno nyaka otieno;
29Kanyo ema omanye chiembe