Zaburi 87:1-7 LUONLT2020 - Bible AI

1Oseguro mise mare ewi got maler;

2Jehova Nyasaye ohero rangeye mag Sayun, moloyo kuonde dak duto mag Jakobo.

3Ji wacho gik madongo kuomi, yaye dala maduongʼ mar Nyasaye: Sela

4“Abiro kwano Rahab+ 87:4 Nying machielo midendogo Misri. gi Babulon e kanyakla mar joma ongʼeya, nyaka Filistia bende, kod Turo, kaachiel gi Kush kendo abiro wacho ni, ‘Ngʼatni nonywol ei Sayun.’ ”

5Adier, nowachi kuom Sayun niya, “En min ogendini mathoth, kendo Nyasaye Man Malo Moloyo owuon biro chunge.”

6Jehova Nyasaye biro ndiko e kitabu mindikoe nying ogendini kama: “Jali nonywol ei Sayun.” Sela

7Sa ma giloso wer to giniwer niya, “Soknina duto ni e iyi.”

© 2020 Bible Translation and Literacy (East Africa). Dholuo New Living Translation. All rights reserved.
div>