Јаков 4:1-17 MKDB2006 - Bible AI

¹ⓥОд каде се војните и расправиите меѓу вас? Не оттаму ли — од вашите похоти, кои се борат во органите ваши?

²Пожелувате и немате; убивате и за­видувате, и не можете да добиете; се препирате и војувате, а немате, бидејќи не се молите.

³ⓦПросите, а не добивате, зашто зло барате, за да го трошите во вашите по­хоти.

⁴ⓧПрељубодејци и прељубодејки, не знаете ли дека пријателството со овој свет е непријателство на Бога? Зашто, кој сака да му е пријател на светот, му станува непријател на Бога.

⁵ⓨИли, пак, мислите дека Писмото напразно зборува: „Со ревност го љуби духот што го вселил во нас.“

⁶ⓩНо Тој дава поголема благодат; за­тоа е речено: „Бог се противи на горделивите, а на понизните им дава благодат.“

⁷ⓐПа затоа, покорете Му се на Бога; а противете се на ѓаволот, и тој ќе побегне од вас.

⁸ⓑПриближете се кон Бога, и Тој ќе се приближи кон вас; исчистете ги рацете, грешници, поправете ги срцата свои, непостојани!

⁹Бидете нажалени и плачете и липај­те: смевот ваш нека се претвори во плач, а радоста во тага!

¹⁰ⓒПонизете се пред Господ и ќе ве по­дигне!

¹¹Не озборувајте се еден со друг, бра­ќа: зашто, кој го озборува братот свој или го суди, тој го напаѓа Законот и го суди Законот. А ако, пак, го судиш Законот, тогаш ти не си извршител на Законот, туку судија.

¹²ⓓЕден е Законодавецот и Судијата, Кој може да спаси и погуби: а ти, кој си што осудуваш друг?

¹³ⓔСлушајте сега вие, кои велите: „Де­нес или утре ќе тргнеме во оној град и таму ќе останеме една година, ќе тргуваме и ќе спечалиме“,

¹⁴вие, кои не знаете што ќе стане ут­ре. Што е вашиот живот? Тој е пареа, која се појавува за кратко време, па ис­чезнува.

¹⁵ⓕМесто да велите: „Ако сака Господ да бидеме живи, ќе направиме тоа и тоа.“

¹⁶А сега се фалите со својата гордост. Секоја таква фалба е зла.

¹⁷ⓖИ така, грев е за оној кој знае да прави добро, а не го прави.