Јован 18:1-40 MKDB2006 - Bible AI

¹ⓑИ штом го рече ова, Исус отиде со учениците Свои преку пото­кот Кедрон, каде што имаше градина, и во неа влезе Тој и учениците Негови.

²А тоа место го знаеше и Јуда, кој сакаше да Го предаде, зашто Исус често се собираше со учениците Свои таму.

³ⓒТогаш Јуда, откако зеде една чета војници и слуги од првосвештениците и фарисеите, дојде таму со фенери, со светила и со оружје.

⁴ⓓА Исус, знаејќи сѐ што ќе стане со Него, излезе и им рече: „Кого барате?“

⁵ⓔМу одговорија: „Исус од Назарет!“ Исус им рече: „Јас сум.“ Со нив стоеше и Јуда, кој Го предаде.

⁶ⓕА кога им рече: „Јас сум“ — тие се повлекоа назад и паднаа на земјата.

⁷Тогаш пак ги праша: „Кого барате?“ А тие рекоа: „Исус од Назарет!“

⁸Исус одговори: „Ви реков дека сум Јас; па, ако Ме барате Мене, оставете ги овие да си одат;“

⁹ⓖза да се изврши словото кажано од Него: „Од оние што си Ми ги дал, никого не загубив.“

¹⁰ⓗА Симон Петар, кој имаше нож, го извади, го удри слугата на прво­свеш­те­никот и му го отсече десното уво. Име­то на слугата му беше Малх.

¹¹ⓘНо Исус му рече на Петар: „Стави го ножот во ножницата. Зар да не ја ис­пијам чашата што Ми ја даде Отецот?“

¹²Тогаш четата и заповедникот, и слугите јудејски, Го фатија Исус и Го врзаа.

¹³ⓙИ Го одведоа најнапред кај Ана, зашто тој беше дедо на Кајафа, кој во таа година беше првосвештеник.

¹⁴ⓚА Кајафа беше оној што ги посоветува Јудејците дека подобро е да умре еден човек за народот.

¹⁵ⓛПо Исус одеше Симон Петар и еден друг ученик. Тој ученик му беше познат на првосвештеникот, па влезе со Исус во дворот на првосвештеникот.

¹⁶ⓜА Петар стоеше надвор, покрај портата. Другиот, пак, ученик, што му беше познат на првосвештеникот, изле­зе, ѝ рече на вратарката и го воведе Петар.

¹⁷ⓝТогаш слугинката вратарка му рече на Петар: „Да не си и ти од учениците на Овој Човек?“ Тој рече: „Не сум.“

¹⁸А слугите и стражарите беа за­па­ли­ле оган и стоеја, па се грееја, зашто бе­ше студено. Со нив стоеше и Петар и се грееше.

¹⁹Првосвештеникот, пак, Го праша Исус за учениците Негови и за Не­го­вото учење.

²⁰ⓞИсус му одговори: „Јас му зборував на светот јавно; Јас секогаш поучував по синагогите и во храмот, каде што секојпат се собираат Јудејците, и тајно ништо не сум зборувал.

²¹Зошто Ме прашуваш Мене? Пра­шај ги оние кои слушале што сум зборувал; тие знаат што сум говорел.“

²²ⓟКога Тој го рече тоа, еден од слу­ги­те, кој стоеше близу, Го удри Исус по образ и рече: „Така ли му одговараш на првосвештеникот?“

²³ⓠИсус му одговори: „Ако реков неш­то лошо, докажи го лошото; ако ли, пак, добро — зошто Ме удираш?“

²⁴ⓡТогаш Ана Го прати врзан кај прво­свештеникот Кајафа.

²⁵ⓢА Симон Петар стоеше и се гре­еше. И му рекоа: „Да не си и ти од уче­ниците Негови?“ Тој порекна и рече: „Не сум.“

²⁶ⓣЕден од слугите на прво­свеш­те­ни­кот, што му беше роднина на оној кому Петар му го беше отсекол увото, рече: „Нели те видов и тебе во градината со Него?“

²⁷ⓤА Петар пак порекна; и веднаш за­пеа петел.

²⁸ⓥИ Го поведоа Исус од Кајафа во преторијата. Но беше утро, и тие не влегоа во неа, за да не се осквернат, за да можат да ја јадат Пасхата.

²⁹ⓦТогаш излезе Пилат пред нив и ре­че: „За што Го обвинувате Овој Човек?“

³⁰Одговорија и му рекоа: „Ако Тој не беше злосторник, немаше да ти Го предадеме!“

³¹ⓧА Пилат им рече: „Земете Го вие и судете Му според вашиот закон!“ Ју­деј­ците му рекоа: „Нам не ни е дозволено да погубуваме никого“,

³²ⓨза да се исполни зборот Исусов, што го рече, кажувајќи со каква смрт ќе умре.

³³Тогаш Пилат влезе во судницата, па Го повика Исус и Му рече: „Ти ли си Царот Јудејски?“

³⁴Исус му одговори: „Сам ли го збо­руваш тоа или други ти кажаа за Ме­не?“

³⁵Пилат одговори: „Та јас Јудеец ли сум? Твојот народ и првосвештениците Те предадоа на мене. Што си направил?“

³⁶ⓩИсус одговори: „Моето царство не е од овој свет; ако беше царството Мое од овој свет, тогаш Моите слуги би Ме бранеле, за да не им бидам предаден на Јудејците; но царството Мое сега не е овде.“

³⁷ⓐА Пилат Му рече: „Ти, пак, Цар ли си?“ Исус одговори: „Ти велиш дека сум Цар. Јас за тоа се родив и за тоа дојдов на светот, за да сведочам за вистината; секој, кој е од вистината, го слуша гласот Мој.“

³⁸ⓑПилат Го праша: „Што е тоа вистина?“ И кога го рече ова, излезе пак кај Јудејците и им рече: „Јас не наоѓам ни­каква вина во Него.

³⁹Но кај вас е обичај да ви пуштам по еден за Пасха. Сакате ли да ви Го пуш­там Царот Јудејски?“

⁴⁰ⓒИ пак повикаа сите, велејќи: „Не Овој, туку Варава.“ Варава, пак, беше разбојник.