Јов 41:1-26 MKDB2006 - Bible AI

¹ⓑЕте, надежта е суетна. Нема ли да паднеш само од еден негов поглед?

²ⓒНема толку силен кој би се осмелил да го обеспокои; и кој може да опстане пред Моето лице?

³ⓓКој Ми дал нешто порано, та Јас да му вратам? Под целото небо сѐ е Мое.

⁴Нема да премолчам за деловите негови, за силата негова и телесната структура.

⁵Кој може да ја симне горната облека негова, кој ќе се приближи до двојните челусти негови?

⁶Кој може да ја отвори вратата на лицето негово? Забите негови нао­колу се ужас,

⁷јаките штитови негови — велико­лепие; тие се зацврстени како со тврд печат;

⁸еден до друг се допираат толку блиску, така што и воздух не минува меѓу нив;

⁹еден до друг стојат збиени, сле­пени се и не се разделуваат.

¹⁰Кога кива, испушта светлина; очите му се како зраци на зората:

¹¹ⓔод устата негова излегуваат пламени јазици, излегуваат огнени искри;

¹²од ноздрите негови излегува па­реа, како од зовриено грне или котел.

¹³ⓕЗдивот негов е разгорен јаглен, а од устата негова излегува пламен.

¹⁴Во вратот негов е силата негова, и пред него ужас се шири.

¹⁵Месестите делови на телото му се сплотени силно меѓу себе, не мрдаат.

¹⁶Срцето му е цврсто како камен, кораво како долен воденички камен.

¹⁷Кога се подига, јунаци треперат, сосема се губат од ужас.

¹⁸Кој меч ќе се допре до него, не издржува; не издржува ни копје, ни кратко копје, ни стрела.

¹⁹Железото за него е како слама, бакарот — како гнило дрво.

²⁰Удар од стрела нема да го подгони; камењата од праќата во плева се претвораат за него.

²¹Боздоганот за него е како сламка; над пиштењето од копјето тој се смее.

²²Под него има остри камења, и тој лежи врз остри камења во калта.

²³ⓖТој прави морската длабочина да врие како котел, морето го претвора во зовриена маст;

²⁴зад себе остава светла трага; бездната изгледа како бело руно.

²⁵На земјата нема сличен на него: Тој е создаден бестрашен;

²⁶со презир ги гледа и најголемите свои непријатели.