2ⓣ„Кажи им на синовите израелски и речи им: кога ќе влезете во земјата, во која ќе живеете и која ви ја давам,
3ⓤи почнете да принесувате на Господ жртви сепаленици, или жртви заклани, поради завет, или од сесрдност, или во текот на празниците ваши, за да направите пријатен мирис пред Господ, од крупниот или од ситниот добиток,
4ⓥтогаш оној, кој ја принесува жртвата на Господ, треба да принесе и лебен принос на Господ од една десетина ефа пченично брашно, измешано со четврт ин маслиново масло;
5ⓦи вино за прелив принесувај по четврт ин за сепаленица, како и за друга жртва, ако таа жртва е едно јагне.
6ⓧИ овен кога принесувате, принесувајте и лебен принос две десетини од ефа пченично брашно, измешано со една третина ин маслиново масло;
7и вино за прелив принеси една третина ин за благопријатен мирис пред Господ.
8Ако принесувате сепаленица од говедата, или колена жртва, поради завет или како жртва за мир,
9ⓨтогаш заедно со јунецот принесете и лебен принос три десетини од ефа пченично брашно, измешано со половина ин маслиново масло,
10и вино за прелив принесете половина ин како жртва, за благопријатен мирис пред Господ.
11Така прави при секој принос на јунец, на овен, и на јагне или јаре;
12ⓩспоред бројот на жртвите што ги принесувате, така правете при секоја од нив, според бројот нивни.
13ⓐСекој тукашен така треба да прави, кога принесува жртва за благопријатен мирис пред Господ;
14ⓑи кога меѓу вас има придојден или кој и да било меѓу вас во поколенијата ваши, и принесе жртва за благопријатен мирис пред Господ, и тој треба да прави така, како што правите вие;
15ⓒза вас, народот Господов, и за придојдениот, кој живее меѓу вас, законот да биде еден, вечниот закон во родовите ваши: што сте вие, тоа да биде и придојдениот пред Господ;
16ⓓеден закон и еднакви права да има, и за вас, и за придојдениот, кој живее меѓу вас.“
17ⓔМу рече уште Господ на Мојсеј, велејќи:
18ⓕ„Кажи им на синовите израелски и речи им: кога ќе влезете во земјата, во која ве водам,
19ⓖи ќе почнете да јадете леб од таа земја, оставете и дел за Господ;
20ⓗод првините на тестото принесете; леб принесете од гумното.
21ⓘОд првината на тестото ваше принос принесувајте Му на Господ во родовите ваши.“
22ⓙ„Ако погрешите поради незнаење и не ги исполните сите тие заповеди, кои Господ му ги кажа на Мојсеј,
23сѐ она што ви заповеда Господ преку Мојсеј, од денот, кога Господ ви заповедал, и за во иднината во родовите ваши,
24ⓚако грешката е направена неволно од народот, тогаш целото општество нека принесе еден јунец за сепаленица, за благопријатен мирис на Господ, заедно со лебен принос и прелив, според прописите, и еден козел — жртва за грев.
25ⓛИ свештеникот ќе го ослободи од грев целото општество на синовите израелски, и ќе им се прости, зашто тоа било грешка, и тие принеле свој дар на Господ и жртва за грев пред Господ, поради своето незнаење.
26И ќе му биде простено на целото општество на синовите израелски и на придојдениот, кој живее меѓу нив, зашто целиот народ го направил тоа поради незнаење.
27ⓜАко некој сам згреши не сакајќи, нека принесе едногодишна коза заради својот грев.
28И свештеникот ќе ја ослободи од грев таа душа, која не сакајќи направила пред Господ грев, и таа ќе биде очистена и ќе ѝ биде простено.
29ⓝЕден закон да биде за сите вас, како за жителите од синовите израелски, така и за придојдениот, кој живее меѓу вас, кога некој ќе погреши несакајќи.
30ⓞАко некој од тукашните или од придојдените изврши нешто со дрскост, тој Го хули Господа; да се истреби таа душа од народот свој;
31ⓟзашто тој го презрел зборот на Господ и ја нарушил заповедта Негова; да биде истребена таа душа; гревот нејзин да биде врз неа.“
32ⓠКога синовите израелски беа во пустината, најдоа еден, како собира дрва во саботен ден;
33и оние што го најдоа, како собира дрва, го приведоа кај Мојсеј и Арон и кај целото општество;
34и го затворија, бидејќи уште не беше решено што да се прави со него.
35ⓡИ му рече Господ на Мојсеј: „Тој човек треба да умре; целото општество да го убие со камења надвор од населбата.“
36ⓢТогаш целото општество го изведе надвор од населбата, и го убија со камења, и тој умре, како што му заповеда Господ на Мојсеј.
37И му рече Господ на Мојсеј, велејќи:
38ⓣ„Објави им на синовите израелски и кажи им да си прават реси по полите на своите облеки во поколенијата свои, и во ресите што се по полите, да ставаат нишки од сина преѓа,
39ⓤи тие да ви бидат на ресите, па, кога ги гледате, да се потсетувате на сите заповеди Господови и да ги извршувате и да не се поведувате по срцето свое и очите ваши, кои ве водат во заблуда.
40ⓥДа ги помните и извршувате сите Мои заповеди и да бидете свети пред вашиот Бог.
41ⓦЈас сум Господ, Бог ваш, Кој ве изведе од египетската земја, за да ви бидам Бог. Јас сум Господ, Бог ваш.“