Броеви 2:1-34 MKDB2006 - Bible AI

¹ⓒИ им рече Господ на Мојсеј и на Арон, велејќи:

²ⓓ„Синовите израелски треба да лого­руваат секој кај своето знаме со озна­ките на предците свои; и да се настанат околу скинијата на собранието на пристојна оддалеченост.

³Најнапред, на исток, ќе се настанат легионите Јудини со војниците свои, и началникот на Јудините потомци Наасон, синот на Аминадав.

⁴Силата на неговата војска изнесува седумдесет и четири илјади и шестотини војници.

⁵По него да се распореди племето Исахарово, и началникот на Исахаро­вите потомци Натанаил, синот на Цуар,

⁶чија сила е изброена на педесет и четири четиристотини војници.

⁷Понатаму племето Завулоново, и началникот на потомците Завулонови Елијав, синот Хелонов;

⁸бројот на неговата војска изнесува педесет и седум илјади и четиристотини војници.

⁹ⓔСите изброени во Јудиниот табор се сто осумдесет и шест илјади и четиристотини војници; тие први да тргнат.

¹⁰Кон југ да бидат распоредени Руви­мовите легиони со војниците свои и началникот на потомците на Рувим Ели­цур, синот на Шедеур;

¹¹бројот на неговите војници, влезени во пребројувањето негово, е четириесет и шест илјади и петстотини.

¹²До него да се настани племето Симеоново, и началникот на потомците на Симеон Шелумиел, синот на Цури­шадај;

¹³а неговите војници изброени беа педе­сет и девет илјади и триста.

¹⁴Потоа да се настани племето Гадо­во, и началникот на потомците Гадови Елјасаф, синот на Рагуил;

¹⁵неговата војска беше на број четириесет и пет илјади шестотини и педесет војници.

¹⁶Сета сила влезена во пребројувањето на Рувимовиот табор изнесува сто педесет и една илјада четиристотини и педесет војници; тие втори да појдат.

¹⁷ⓕКога ќе се крене скинијата на собранието, таборот на левитите да биде во средината на другите табори. Како што се разместени, така и да одат, секој на своето место и кај своето знаме.

¹⁸ⓖОткај запад да биде војската на Ефремовиот табор, и началникот на потомците Ефремови Елишама, синот Амиудов;

¹⁹во неговата војска изброени беа четириесет илјади и петстотини војници.

²⁰До него да се смести племето Манасиево, и началникот на потомците Манасиеви Гамалиил, синот на Педа­цур.

²¹Со неговата војска која брои триесет и две илјади и двесте војници.

²²Потоа да се смести племето Вени­јаминово, и началникот на потомците Венијаминови Авидан, синот Гидониев,

²³заедно со неговите војници, чиј број е триесет и пет илјади и четиристотини.

²⁴Сите изброени војници од Ефре­мо­виот табор се сто осум илјади и сто; тие трети да поаѓаат.

²⁵Откај север да биде таборот на Да­но­вата војска, и началникот на потомците Данови Ахиезер, синот на Ами­шадај;

²⁶неговата војска, според пребројувањето изнесува шеесет и две илјади и седумстотини војници.

²⁷А до него да се смести племето Асирово, и началникот на потомците Асирови Пагиил, синот Охранов,

²⁸заедно со неговите војници на број, четириесет и една илјада и петстотини.

²⁹Потаму племето Нефталимово, и началникот на потомците Нефтали­мо­ви Ахира, синот Енанов,

³⁰и неговите педесет и три илјади и четиристотини војници.“

³¹ⓗСите, влезени во пребројувањето на Дановиот табор, се сто педесет и седум илјади и шестотини; тие последни да се креваат со знамињата свои.

³²ⓘТоа се изброените синови израел­ски според фамилиите нивни. Сите изброени во таборите, според четите им, се шестотини и три илјади петстотини и педесет.

³³А левитите не се броени со другите синови на Израел, како што му беше заповедал Господ на Мојсеј.

³⁴И направија синовите израелски сѐ што му беше заповедал Господ на Мој­сеј; така се распоредуваа при знамињата свои, и така одеа секој според племето свое и според семејствата свои.