Броеви 3:1-51 MKDB2006 - Bible AI

¹ⓙОва е родословот Аронов и Мојсеев, во оној ден кога му говореше Господ на Мојсеј на планината Синај.

²ⓚЕве ги имињата на синовите Аро­нови: првенецот Надав, Авиу, Елеазар и Итамар.

³ⓛТоа се имињата на Ароновите сино­ви, помазани за свештеници, кои тој ги посвети за да свештенодејствуваат.

⁴ⓜНо Надав и Авиу умреа пред Гос­под, кога донесоа туѓ оган пред Господ во Синајската Пустина, а немаа деца; Елеазар, пак, и Итамар останаа како свештеници кај татко си Арон.

⁵И му рече Господ на Мојсеј, велејќи:

⁶ⓝ„Доведи го Левиевото племе и пос­тави го при свештеникот Арон, за да му служат;

⁷ⓞи тие нека му служат на него и на целото општество израелско при скинијата на собранието, извршувајќи ги службите при скинијата;

⁸и да ги пазат сите сосуди во скинијата на собранието и да бидат на служба за синовите израелски во врска со сите работи што се вршат околу скинијата.

⁹И дај му ги левитите на Арон, и на синовите негови; нека им бидат тие дадени како дар од синовите израелски.

¹⁰ⓟА на Арон и синовите негови пора­чај им да се грижат за свештеничката должност; а ако некој надворешен се доближи, да биде убиен.“

¹¹И му рече Господ на Мојсеј, ве­лејќи:

¹²ⓠ„Ете, Јас ги зедов левитите меѓу си­новите израелски наместо сите првородени од синовите на Израел, што отвораат утроба; левитите ќе бидат Мои,

¹³ⓡбидејќи сите првородени се Мои; во денот, кога ги убив сите првородени во египетската земја, Јас ги осветив за Себе сите провородени во Израел — од човек до добиток: тие треба да бидат Мои. Јас сум Господ.“

¹⁴ⓢИ му рече Господ на Мојсеј во Си­најската Пустина, велејќи:

¹⁵ⓣ„Преброј ги Левиевите синови спо­ред семејствата нивни и според ро­довите нивни; преброј сѐ од машки пол од еден месец, и нагоре!“

¹⁶И ги преброи Мојсеј според збо­ровите Господови, како што беше за­поведано.

¹⁷ⓤЕве ги Левиевите синови според ими­­њата нивни: Гирсон, Каат и Мера­риј.

¹⁸А ова се имињата на Гирсоновите синови според родовите нивни: Ливниј и Семеј.

¹⁹И синовите на Каат според ро­довите нивни: Амрам и Јицхар, Хеврон и Узиил.

²⁰И синовите на Мерариј според родовите нивни: Махлиј и Мушиј. Тоа се Левиевите родови според семејствата нивни:

²¹Од Гирсон произлегува родот Ли­вниев и родот Семеиев: тоа се Гир­соновци.

²²Сите, изброени од машки пол, од еден месец и нагоре, беа седум илјади и петстотини.

²³Родовите на Гирсоновци беа смес­тени зад скинијата, откај запад.

²⁴Началник на поколението од Гир­соновите синови беше Елјасаф, син Лаелов;

²⁵ⓥна Гирсоновите потомци при скинијата на собранието им е доверено да ги пазат: скинијата и покривот нејзин, завесата при влезот во скинијата на собранието,

²⁶платништата околу дворот, завесата од влезот во дворот што се околу скинијата и жртвеникот, со јажињата и другите нивни принадлежности.

²⁷Од Каат произлегува родот Ам­рамов и родот Јицхаров, и родот Хев­ронов и родот Узиилов: тоа се Каа­товците.

²⁸ⓦСпоред пребројувањето сите од машки пол, од еден месец и нагоре, беа осум илјади и шестотини, кои го чуваа светилиштето.

²⁹Родовите на Каатовци да се сместат на јужната страна од скинијата;

³⁰ⓧа началникот на племето Каатовци беше Елицафан, синот Узиилов;

³¹ⓨтие го чуваа ковчегот, трпезата, светилникот, жртвениците, свештените садови што се употребуваат при служ­бата, и завесата со сите нејзини работи.

³²ⓩГлавен началник на левитите беше Елеазар, син на свештеникот Арон; под негов надзор беа оние кои беа задол­жени да го чуваат светилиштето.

³³Од Мерариј произлегува родот Махлиев и родот Мушиев; тоа се ро­дови Мерариеви;

³⁴сите преброени од машки пол, од еден месец и нагоре, беа на број шест илјади и двесте;

³⁵началник на потомците на родот Мерариевци беше Цуриел, син на Ави­хаил; тие да се распоредат на северната страна од скинијата;

³⁶на Мерариевите синови им беше доверено да ги чуваат штиците од скинијата и пречниците нивни, столбовите и подножјата нивни, сиот прибор, и сите други нејзини принад­лежности,

³⁷ⓐстолбовите од дворот наоколу и подножјата нивни, колците нивни и ја­жињата нивни.

³⁸А од предната страна на скинијата, откај исток, пред скинијата на собранието сместени беа Мојсеј и Арон, и синовите негови, кои наместо синовите Израелови, го пазеа светилиштето; ако, пак, некој друг се доближеше, беше убиван.

³⁹Сите изброени левити што ги преброија Мојсеј и Арон по заповед на Господ, според родовите нивни, сите од машки пол, од еден месец нагоре, беа дваесет и две илјади.

⁴⁰ⓑИ му рече Господ на Мојсеј: „Преброј ги сите првородени синови израелски од машки пол, од еден месец и нагоре, и преброј ги поименично;

⁴¹и земи ги левитите за Мене, како замена за сите првородени од синовите на Израел, — Јас сум Господ — а до­битокот на левитите место сиот првороден добиток на синовите израелски.“

⁴²И ги преброи Мојсеј, сите првородени од синовите израелски како што му заповеда Господ;

⁴³и сите првородени од машки пол, според бројот на имињата, од еден месец и нагоре, беа дваесет и две илјади двесте седумдесет и три.

⁴⁴И му рече Господ на Мојсеј, ве­лејќи:

⁴⁵„Земи ги левитите место сите првородени од синовите на Израел, и добитокот на левитите, место нивниот добиток; левитите нека бидат Мои. Јас сум Господ.

⁴⁶А за откуп на двесте седумдесет и трите првородени синови израелски, со кои се надминува бројот на левитите,

⁴⁷ⓒземи по пет шекели за човек, спо­ред свештениот шекел земи; по дваесет гери во шекел;

⁴⁸и дај му го тоа сребро на Арон и на синовите негови, за откуп на оние што го надминуваат нивниот број.“

⁴⁹И го зеде Мојсеј среброто од от­купот за оние што го надминуваат бројот на заменетите со левити.

⁵⁰Од првородените израелски синови зеде сребро илјада триста шеесет и пет шекели, според свештениот шекел;

⁵¹и среброто од откупот Мојсеј му го даде на Арон и на синовите негови според зборовите на Господ, како што му беше заповедал Господ на Мојсеј.