1ⓝБраќа, и да падне човек во некаков грев, вие духовните поправајте го таков со духот на кротоста, пазејќи се и вие да не бидете искушани.
2ⓞПоднесувајте го товарот еден на друг и исполнувајте го така законот Христов.
3ⓟЗашто оној, кој сам себе се смета за нешто, а не е ништо, тој се мами самиот себе.
4ⓠСекој нека си ги испита делата свои и тогаш ќе има пофалба пред себе самиот, а не пред друг.
5ⓡЗашто секој ќе го понесе својот товар.
6ⓢА оној што се учи на словото, нека му дава дел од секое добро на оној што го учи.
7ⓣНе лажете се: Бог не е за подигрување. Што ќе си посее човекот, тоа и ќе си жнее.
8ⓤКој сее во телото свое, од телото ќе пожнее погибел; а кој сее во духот, од духот ќе пожнее вечен живот.
9ⓥКога правиме добро, тоа нека не ни биде здодевно, зашто во свое време ќе пожнееме, ако не се измориме.
10И така, додека имаме време, да им правиме добро на сите, а најмногу на своите по вера.
11ⓦГледајте со колку големи букви ви напишав со својата рака.
12Оние што сакаат да се фалат по тело, тие ве принудуваат да се обрезувате само за да не бидат гонети поради крстот Христов.
13ⓧЗашто, и оние што се обрезуваат, сами не го почитуваат Законот, а сакаат вие да се обрезувате за да се пофалат со вашето тело;
14ⓨа мене, да не ми даде Господ да се фалам со ништо друго, освен со крстот на нашиот Господ Исус Христос, преку Кого за мене светот е распнат, а и јас за светот.
15ⓩЗашто во Исус Христос ниту обрезанието има некаква сила, ниту необрезанието, туку новото создание.
16ⓐНа оние што постапуваат и по тоа правило, и отсега натаму нека биде мир и милост, ним и на Израел Божји!
17ⓑИ така, никој да не ми досадува веќе, зашто јас ги носам на своето тело белезите на Исус.
18ⓒБлагодатта на нашиот Господ Исус Христос, нека биде со вашиот дух, браќа. Амин!