Дела 12:1-25 MKDB2006 - Bible AI

¹Во тоа време цар Ирод стави рака на некои од Црквата, и почна да ги измачува.

²Со меч го уби Јакова, братот Јо­ва­нов.

³А кога виде дека тоа им се допаѓа на Јудејците, го фати и Петар. Тоа беше за време на Бесквасници.

⁴ⓣНего, кога го фати, го фрли в затвор предавајќи го на четири групи по че­ти­ри војници да го пазат. Неговата намера беше веднаш по Пасхата да го изведе пред народот.

⁵ⓤИ така, додека Петар го пазеа во затворот, Црквата непрестано Му се молеше на Бога за него.

⁶Ноќта, спроти денот кога Ирод сакаше да го изведе, Петар спиеше меѓу двајца војници, окован во два пара ланци, а стражарите пред портата го чуваа затворот.

⁷ⓥИ, ете, ангел Господов застана, и светлина блесна во затворот. Ангелот го потчукна Петар по ребрата и го разбуди, па му рече: „Стани брзо!“ И оковите му паднаа од рацете негови.

⁸Тогаш ангелот му рече: „Препашај се и обуј си ги чевлите!“ Така и на­пра­ви. И пак му рече: „Облечи ги алиш­та­та свои и оди по мене!“

⁹И излезе и тргна по него, а не зна­еше дека тоа, што го направи ангелот, е вистина, туку си мислеше дека гледа привид.

¹⁰ⓦОткако ја изминаа првата и втората стража, дојдоа до железната порта, што водеше кон градот, а таа им се отвори сама. Тие излегоа и преминаа преку ед­на улица, и во тој час ангелот го снема.

¹¹Тогаш Петар, откако дојде на себе, си рече: „Сега знам дека навистина Гос­под го пратил Својот ангел да ме избави од рацете Иродови и од сѐ, што оче­ку­ваше јудејскиот народ.“

¹²Сфаќајќи го тоа, тој дојде до куќата на Марија, мајката на Јован, наречен Марко, каде што беа собрани многумина на молитва.

¹³А кога Петар затропа на портата, слугинката по име Рода пријде да наслушне.

¹⁴И, штом го позна гласот на Петар, таа од радост не ја отвори портата, туку се втрча и јави дека Петар стои пред портата.

¹⁵ⓧА тие ѝ рекоа: „Луда ли си ти?“ Но таа потврдуваше дека тоа е така. А тие велеа: „Тоа е сигурно неговиот ангел.“

¹⁶Петар, пак, постојано чукаше. А кога му отворија, го видоа и се зачудија многу.

¹⁷ⓨТој им мавна со раката да молчат, а потоа им раскажа како Господ го извел од затворот, и рече: „Соопштете му за ова на Јаков и на браќата!“ Потоа из­ле­зе и отиде на друго место.

¹⁸ⓩУтредента меѓу војниците настана голема вознемиреност поради тоа што се случило со Петар.

¹⁹ⓐА Ирод, кој испрати потера по него, но не успеа да го пронајде, откако ги ис­пита стражарите, заповеда да ги погубат. Потоа тој слезе од Јудеја во Кеса­рија, и таму се задржа.

²⁰Ирод беше гневен на Тирците и Си­донците. Но тие, бидејќи нивните земји добиваа храна од неговото царство, се договорија и дојдоа кај него еднодушни, и откако го придобија на своја страна Власта, царевиот собар, побараа мир.

²¹Во договорениот ден Ирод, облечен во царска облека, седна на престолот и одржа говор пред народот.

²²ⓑА народот воскликнуваше: „Ова е глас Божји, а не човечки.“

²³ⓒНо ненадејно во истиот миг ангел Господов, силно го удри, зашто не Му воздаде слава на Бога. И, изеден од цр­ви, тој умре.

²⁴ⓓА словото Божјо сѐ повеќе растеше и се распространуваше.

²⁵ⓔВарнава и Савле, откако го исполнија задолжението, од Ерусалим се вра­тија во Антиохија, од каде што го зедоа со себе и Јован, наречен Марко.