Дела 15:1-41 MKDB2006 - Bible AI

¹ⓦА некои луѓе слегоа од Јудеја, и ги подучуваа браќата: „Ако не се обрезете според обичајот Мојсеев, не може да бидете спасени!“

²ⓧА бидејќи настана бунт, и Павле и Варнава жестоко се препираа со нив, одлучија Павле и Варнава и некои дру­ги од нив да отидат горе кај апостолите и старешините во Ерусалим заради оваа препирка.

³ⓨТие, пак, испратени од црквата, па­туваа низ Феникија и Самарија, и рас­кажувајќи за обраќањето на нез­на­бош­ците, предизвикуваа голема радост кај сите браќа.

⁴А кога пристигнаа во Ерусалим, ги примија црквата, апостолите и старе­шините, а тие известија за сѐ што на­прави со нив Бог[16].

⁵ⓩТогаш станаа некои од при­вр­за­ни­ци­те на фарисеите, што беа поверувале, и зборуваа дека тие треба да се обрезува­ат, и да им се заповеда да го пазат Зако­нот Мојсеев.

⁶Апостолите и старешините се соб­раа да го разгледаат тоа прашање.

⁷ⓐПо долго расправање, стана Петар и им рече: „Луѓе браќа, вие знаете дека Бог од првите дни ме избра меѓу вас, незнабошците од мојата уста да го слушнат словото на Евангелието и да поверуваат;

⁸ⓑи Бог, Кој ги познава срцата, им пос­ведочи, и им даде Дух Свети како и нам.

⁹ⓒТој не направи никаква разлика ме­ѓу нас и нив, зашто со верата ги очисти нивните срца.

¹⁰ⓓСега, пак, зошто Го искушувате Бо­га, ставајќи им на вратот на учениците јарем, што не можеа да го поднесат ни нашите татковци, ниту ние.

¹¹Но ние веруваме дека ќе се спасиме со благодатта на Исус Христос, исто ка­ко и тие.“

¹²Тогаш замолкна сето мноштво и го слушаа Варнава и Павле, кои при­кажуваа какви знаци и чудеса направил Бог преку нив меѓу незнабошците.

¹³ⓔА кога тие престанаа, тогаш прозборе Јаков и рече: „Мажи браќа, слуш­нете ме!

¹⁴ⓕСимон изложи како Бог најнапред ги посети незнабошците, за да избере од нив народ за Неговото име;

¹⁵и со тоа се согласуваат и зборовите на Пророците како што е напишано:

¹⁶ⓖⓗ‚И потоа ќе се вратам и пак ќе го подигнам паднатиот дом на Давид, и неговите урнатини ќе ги поправам и ќе го издигнам,

¹⁷за да Го побараат Господ и другите луѓе и сите народи, кои се наречени со Моето име.‘ Така вели Господ, Кој го прави сето ова.

¹⁸ⓘПознати Му се на Бога сите Негови дела од создавањето на светов.

¹⁹ⓙЗатоа јас мислам дека не треба да им прават мачнотии на незнабошците, кои се обраќаат кон Бога,

²⁰ⓚтуку да им се заповеда да се воз­др­жуваат од идолски жртви, од блудство, од удавено и од крв, (и да не му прават на друг ништо, што ним не им е угодно).

²¹ⓛЗашто Мојсеј уште од старо време во секој град има луѓе, кои го про­по­ве­даат, бидејќи го читаат по синагогите секоја сабота.“

²²Тогаш апостолите и старешините заедно со целата Црква одлучија да ги изберат меѓу себе Јуда, наречен Вар­на­ва, и Сила, истакнати мажи меѓу бра­ќа­та, и заедно со Павле и Варнава да ги пратат во Антиохија.

²³И со своите раце им го напишаа следново писмо: „Апостолите, свеш­те­ниците и браќата ги поздравуваат бра­ќата од нееврејските народи што се во Антиохија и Сирија и Киликија.

²⁴ⓜСме слушнале дека некои од нас, на кои ништо не сме им заповедале со збо­рови, ве вознемириле, и ги потресле ду­шите ваши, велејќи ви да се обрезувате и да го пазите Законот.

²⁵Затоа, откако се собравме, едно­душно одлучивме да избереме луѓе и да ги пратиме кај вас заедно со нашите омилени Варнава и Павле,

²⁶ⓝлуѓе, кои ги предадоа душите свои за името на нашиот Господ Исус Хрис­тос.

²⁷И така, ние ви ги пративме Јуда и Сила, кои ќе ви го кажат тоа и усмено.

²⁸ⓞЗашто Светиот Дух и ние од­лу­чив­ме да не ви ставаме на вас никаков друг товар, освен она што е потребно:

²⁹ⓟда се воздржувате од месо принесе­но како жртва на идоли, од крв, од уда­ве­но, и од блудство[17]. Ако внимавате на ова, добро ќе направите. Бидете здра­ви!“

³⁰И така испратени, тие дојдоа во Антиохија и кога го собраа народот, му го предадоа посланието.

³¹А кога го прочитаа, се зарадуваа поради утешниот збор.

³²Јуда, пак, и Сила, кои и самите беа пророци, со многу зборови ги утешија браќата и ги поткрепија.

³³Откако престојуваа таму некое вре­ме ги пуштија браќата со мир кај оние што ги испратија.

³⁴(Сила одлучи да остане, а само Јуда замина.)[18]

³⁵Павле, пак, и Варнава се задржаа во Антиохија, поучувајќи и благовестувај­ќи го словото Господово заедно со мно­зина други.

³⁶По некое време Павле му рече на Варнава: „Да појдеме пак во сите гра­до­ви, каде што го проповедавме словото Господово за да ги видиме како жи­ве­ат.“

³⁷ⓠВарнава предложи да го земат со себе и Јован, наречен Марко.

³⁸Но Павле сметаше дека не доликува да го земат со себе оној, што се беше одделил од нив во Памфилија и не беше пошол со нив по работата, за која беа пратени.

³⁹Поради тоа дојде до жестока рас­пра­вија, така што тие се разделија еден од друг; и Варнава, откако го зеде Мар­ко, отплови за Кипар;

⁴⁰ⓡа Павле, пак, го избра Сила и замина, од браќата предаден на Божјата бла­годат.

⁴¹ⓢИ, минувајќи низ Сирија и Ки­ли­ки­ја, ги утврдуваше црквите.