Дела 18:1-28 MKDB2006 - Bible AI

¹Потоа Павле ја напушти Атина и дојде во Коринт.

²Тука сретна еден Јудеец, по име Акила, родум од Понт, кој неодамна дошол од Италија со жена си Прискила, зашто Клавдиј нареди сите Јудејци да го напуштат Рим. Тој дојде кај нив.

³ⓕИ бидејќи го имаше истиот занает, остана кај нив и работеше. А занаетот им беше да прават шатори.

⁴ⓖИ секоја сабота тој зборуваше во си­нагогата и ги убедуваше Јудејците и Елините.

⁵ⓗА кога Сила и Тимотеј пристигнаа од Македонија, Павле беше поттикнат да сведочи пред Јудејците дека Исус е Христос.

⁶ⓘНо, бидејќи тие се противеа и хулеа, тој ги истресе алиштата и им рече: „Крвта ваша — на главите ваши! Јас сум чист. Отсега одам кај незнабошците.“

⁷И штом замина оттаму, дојде слугата на некој си човек по име Титиј Јуст, кој Го почитуваше Бога, и чија куќа бе­ше до синагогата.

⁸ⓙА Крисп, началник на синагогата, поверува во Господ заедно со целиот свој дом; и мнозина Коринтјани, слу­шајќи го Павле, поверуваа и беа крс­те­ни.

⁹ⓚИ му рече Господ на Павле во видение ноќе: „Не плаши се, туку продолжи да зборуваш и не замолкнувај,

¹⁰ⓛзашто Јас сум со тебе, и никој не ќе посегне да ти направи зло, бидејќи имам многу народ во овој град.“

¹¹ⓜТој остана таму една година и шест месеци и ги поучуваше во словото Бож­јо.

¹²А кога Галион беше намесник во Ахаја, Јудејците еднодушно го нападнаа Павле и го одведоа на суд,

¹³велејќи: тој ги учи луѓето да Го почитуваат Бога спротивно на Законот.

¹⁴И кога Павле сакаше да одговори, Галион им рече на Јудејците: „Јудејци, ако имаше некоја неправда или зло де­ло, лукаво, веднаш ќе ве ислушав по должност;

¹⁵ⓝно, штом е препирката за учење и за имиња, и за вашиот Закон, разгледај­те сами, зашто јас не сакам да бидам судија во тие работи.“

¹⁶И ги истера од судот.

¹⁷ⓞТогаш сите (Елини) го фатија Сос­тен, началникот на синагогата, и го би­еја пред судот, а Галион и не обрнуваше внимание на тоа.

¹⁸Откако помина таму уште многу време, Павле се прости со браќата и отплови за Сирија заедно со Акила и Прискила, откако ја острига главата во Кенхреја, бидејќи беше дал завет.

¹⁹ⓟКога пристигна во Ефес, ги остави нив таму, а сам тој влезе во синагогата да расправа со Јудејците.

²⁰А кога тие го замолија да остане кај нив подолго време, тој не се согласи,

²¹ⓠтуку се прости со нив и рече: „Бездруго празникот што иде треба да го поминам во Ерусалим. Ако даде Бог, пак ќе дојдам кај вас.“ И отплови од Ефес.[19]

²²Кога слезе во Кесарија, отиде во Ерусалим да ја поздрави црквата и по­тоа замина за Антиохија.

²³ⓡОткако престојуваше таму некое време, тргна на пат и ги обиколи по ред пределите на Галатија и Фригија и ги утврдуваше сите ученици.

²⁴И дојде во Ефес некој си Јудеец, по име Аполос, родум од Александрија. Тој беше красноречив човек, упатен во Писмата.

²⁵ⓢБеше поучен во патот Господов и со распламнат дух, зборуваше и поу­чу­ва­ше правилно за Господ, иако знаеше са­мо за Јовановото крштение.

²⁶Тој почна да зборува смело во сина­го­гата. Кога го слушнаа Акила и Прис­кила, го примија кај нив и му го из­ло­жија патот Господов поточно.

²⁷ⓣА кога тој сакаше да замине за Ахаја, браќата се обратија со писмо до тамошните ученици, за да го примат; и тој кога стигна таму, многу им помогна на верниците преку благодатта,

²⁸ⓤбидејќи силно ги побиваше Ју­деј­ци­те пред целиот народ, докажувајќи пре­ку Писмата дека Исус е Христос.