Ездра 7:1-28 MKDB2006 - Bible AI

¹ⓢПо тие настани, во текот на царувањето на Артаксеркс, царот персиски, Ездра — синот на Сераја, син на Азарија, син на Хелкија,

²син на Селум, син на Садок, син на Ахитув,

³син на Амарија, син на Азарија, син на Мерајот,

⁴син на Зерахија, син на Озиј, син на Буки,

⁵син на Авишуа, син на Финес, син на Елеазар, син на првосвештеникот Арон, —

⁶ⓣтој Ездра тргна на пат од Вавилон. Тој беше книжник и го знаеше за­конот Мојсеев, даден од Господ, Бог Изра­елов. Царот му даде сѐ по желбата не­гова, зашто раката на Господ, неговиот Бог, беше над него.

⁷Со него отидоа во Ерусалим и некои синови Израелови, и свештеници, и ле­вити, и пејачи, и чувари на вратите, и слуги на храмот во седмата година на царот Артаксеркс.

⁸Тој дојде во Ерусалим во петтиот месец, во седмата година од владее­њето на царот.

⁹На првиот ден од првиот месец тој го започна излегувањето од Вавилон, а во првиот ден од петтиот месец тој дојде во Ерусалим: благодатната рака на неговиот Бог беше над него.

¹⁰ⓤЗашто Ездра го беше укрепил ср­цето свое да го изучува и да го исполнува законот Господов, и да го учи Израел во законите и уредбите.

¹¹Еве ја содржината на писмото, што царот Артаксеркс му го даде на Ездра, свештеник и книжник, кој го учеше Израел на заповедите Госпо­дови и на законите Негови:

¹²ⓥ„Артаксеркс, цар над царевите, до Ездра свештеникот, совршениот учи­тел во законот на небесниот Бог денес.

¹³Издадов указ, во царството мое секој од народот Израелов и од него­вите свештеници и левити што сака да оди во Ерусалим, нека појде со тебе.

¹⁴ⓦБидејќи си испратен од царот и од седумте негови советници, да ги надгледуваш Јудеја и Ерусалим во зако­нот на твојот Бог, кој е во раката твоја,

¹⁵ⓧи да го однесеш среброто и златото, кое царот и советниците негови го жрт­вуваа на Бог Израелов, Чие живе­алиш­те е во Ерусалим,

¹⁶ⓨи сето сребро и злато што ќе го собереш по целата област Вавилон­ска, заедно со доброволните приноси од на­родот и свештениците што ќе жртвуваат за домот на својот Бог, Кој е во Еру­салим, —

¹⁷ⓩзатоа веднаш купи за тие пари волови, овни, јагниња и житни приноси за нив, и преливи за нив, и принеси ги на жртвеникот во домот на вашиот Бог во Ерусалим.

¹⁸А она што ти и браќата твои ќе нај­дете дека е добро да направите од оста­натото сребро и злато, според волјата на Вашиот Бог направете.

¹⁹ⓐСадовите, пак, што ти беа дадени за служби во домот на твојот Бог, постави ги пред Бог Ерусалимски.

²⁰ⓑИ сѐ друго што е потребно за домот на твојот Бог, ова за што го сметаш де­ка е неопходно, давај од домот на цар­ските ризници.

²¹А јас, царот Артаксеркс, давам за­повед до сите ризничари, што се од онаа страна на Реката — сѐ што ќе посака од вас Ездра, свештеник и учител по законот на Бога небесен, без двоумење, давајте:

²²ⓒсребро до сто кикари, жито до сто кора, вино до сто бата и пак до сто бата масло, а сол — без да се определува количеството.

²³Сѐ, што е заповедано од Бога небесен треба да се врши грижливо за Неговиот дом, и гледајте, некој да не протегне рака врз домот на Бога небесен за да не падне гневот Негов врз царството, царот и синовите негови.

²⁴Го кажавме да знаете дека на никого од свештениците и левитите, пеја­чите, чуварите на вратите, слуги­те на храмот и оние што служат при тој дом Божји нема да им се наложува данок, ни десеток, ни царина.

²⁵ⓓА ти, Ездра, според мудроста на твојот Бог, која е во раката твоја, постави управители и судии за да го судат сиот народ од онаа страна на Реката, — сите што ги знаат законите на твојот Бог, а кои не знаат, научи ги.

²⁶ⓔИ кој не го исполнува законот на твојот Бог и законот царски, тој без одлагање да се осуди, било на смрт, било со прогонство, било со парична глоба, или со затвор во темница.“

²⁷Нека е благословен Господ, Бог на нашите предци, Кој влеа во срцето на царот таква мисла да го прослави домот Господов што е во Ерусалим,

²⁸ⓕи Кој ја управи кон мене милоста на царот, на советниците негови и на сите силни кнезови царски! И јас се ох­рабрив, бидејќи раката на Господ, мојот Бог, беше над мене, и ги собрав кнезовите израелски, за да одат со мене.