Езекиел 15:1-8 MKDB2006 - Bible AI

¹ⓞИ дојде слово Господово до мене:

²„Сине човечки, какво предимство има дрвото од лоза пред секое друго дрво, и прачките од лозата пред гран­ките од дрвјата во гората?

³Зар се зема од него парче за некаква изработка? Земаат ли од него барем некаков клин, за да закачат на него не­која работа?

⁴ⓟЕте, го фрлаат во оган за да изгори; двата краја огнот му ги подгорува, па му ја изгорува и средината; може ли да стане од него нешто за некаква изра­ботка?

⁵И кога би било цело, не станува збор за некаква изработка; а уште помалку, кога огнот ќе го подгори и го обгори, па ќе биде ли тоа за некаква изработка?

⁶Затоа, вака вели Господ Бог: — како што дрвото од лоза меѓу горските дрвја го предадов на оган за да изгори, така нему ќе му ги предадам и ерусалимските жители.

⁷ⓠИ ќе го свртам лицето Свое против нив, од еден оган ќе излезат и друг оган ќе ги проголта, па ќе познаете дека Јас сум Господ, кога ќе го свртам лицето Свое против нив.

⁸И ќе ја направам таа земја пустина, затоа што постапија неверно“, вели Господ Бог.