Езекиел 20:1-44 MKDB2006 - Bible AI

¹ⓔ ⓕВо седмата година, петтиот месец, десеттиот ден од месецот, дојдоа некои израелски старешини да Го прашаат Господа и седнаа пред мене.

²И дојде слово Господово до мене:

³ⓖ„Сине човечки, зборувај со стареши­ните израелски и кажи им — вака вели Господ Бог: сте дошле да Ме прашате? Жив сум Јас — нема да ви дадам одговор, вели Господ Бог.

⁴ⓗСакаш ли да се судиш со нив, сакаш ли да се судиш, сине човечки? Кажи им ги гадотиите на нивните татковци;

⁵ⓘⓙи кажи им — вака вели Господ Бог: во оној ден кога го избрав Израел и кога ја подигнав раката Своја, се заколнав во племето на домот од Јакова, и им се открив во земјата египетска, и кога ја подигнав раката им реков: ‚Јас сум Гос­под, вашиот Бог‘.

⁶ⓚВо оној ден, кога ја подигнав раката Своја, Јас им се заколнав дека ќе ги изведам од земјата египетска во земја, која Јас ја избрав за нив, и во која тече мед и млеко, најубава меѓу сите земји.

⁷ⓛИ кажи им: Отфрлете ги сите гадо­тии од вашите очи и не осквернувајте се со египетските идоли — Јас сум Господ, вашиот Бог.

⁸Но тие се побунија против Мене и не сакаа да Ме слушаат; никој не се откажа од гадотиите на очите свои и не ги остави египетските идоли. А Јас реков: ќе го излијам врз нив гневот Свој, ќе ја исцрпам врз нив јароста Своја среде египетската земја.

⁹ⓜНо Јас постапив така заради името Мое, па тоа да не се хули пред народите, меѓу кои тие се наоѓаат и пред чии очи Јас им се открив, за да ги изведам од египетската земја.

¹⁰И Јас ги изведов од земјата египетска и ги доведов во пустината,

¹¹ⓝим ги дадов Моите заповеди и им ги објавив Моите наредби, преку кои чо­векот, откако ќе ги изврши, ќе биде жив;

¹²ⓞим ги дадов исто така и Моите саботи, за да бидат знак меѓу Мене и нив, па да знаат дека Јас сум Господ што ги осветува.

¹³Но домот Израелов се побуни против Мене во пустината: не постапија според Моите заповеди и ги отфрлија Моите наредби, преку кои човекот, ако ги исполнува, би можел да биде жив, и Моите саботи ги нарушија — и Јас реков — ќе ја излијам врз нив Својата јарост во пустината, за да ги истребам.

¹⁴Но Јас постапив заради Моето име, та да не се хули тоа пред народите, пред чии очи ги изведов.

¹⁵ⓟДури и кога ја подигнав раката против нив во пустината, се заколнав дека нема да ги воведам во земјата, која бев им ја определил — во која тече мед и млеко, најубава меѓу сите земји,

¹⁶заради тоа што ги отфрлија Моите наредби, не постапија по Моите заповеди и ги нарушуваа Моите саботи; зашто нивното срце копнееше повеќе кон идолите нивни.

¹⁷Но Моето око се смили и не ги погуби; и Јас не ги истребив во пустината.

¹⁸Им зборував на синовите нивни во пустината: Не одете по правилата на татковците ваши, не пазете ги уредбите нивни и не осквернувајте се со идолите нивни.

¹⁹Јас сум Господ, вашиот Бог: постапувајте според Моите заповеди, пазете ги уредбите Мои и исполнувајте ги.

²⁰Празнувајте ги Моите саботи за да бидат знак меѓу Мене и вас, па да знаете дека Јас сум Господ, вашиот Бог.

²¹ⓠНо и синовите се побунија против Мене — не постапуваат по Моите заповеди и уредбите Мои не ги пазат, не го исполнуваат она преку кое човекот, откако ќе го исполнува, ќе биде жив; ги нарушуваат Моите саботи — и Јас реков: ќе го излијам врз нив Својот гнев, ќе ја исцрпам над нив Мојата јарост во пустината;

²²ⓡно јас ја отклонив раката Своја и заради името Мое постапив инаку, за да не се хули тоа пред народите, пред чии очи ги изведов.

²³ⓢИсто така, кога ја подигнав раката Своја во пустината, се заколнав дека ќе ги расфрлам меѓу народите и развеам по земјите,

²⁴бидејќи тие Моите наредби не ги извршуваа, заповедите Мои ги отфрлија и ги нарушуваа Моите саботи, а очите нивни се свртуваа кон идолите на нивните предци.

²⁵Им дозволив закони и наредби што не се добри, од кои тие не можеа да бидат живи,

²⁶ⓣим допуштив и да се осквернуваат со своите жртвени приноси, кога по­ч­наа да префрлуваат преку оган секој прв плод од утробата, за да ги разорам, па да знаат дека Јас сум Господ.

²⁷Затоа зборувај му на домот Из­раелов, сине човечки, и кажи му — вака вели Господ Бог: еве со што уште Ме хулеа вашите татковци, кога неверно постапуваа против Мене:

²⁸Јас ги одведов во земјата, која со клетва им ја ветив дека ќе им ја дадам, откако ја подигнав раката Своја, а тие, штом здогледаа по некој висок рид и некое разгрането дрво, почнаа таму да ги колат своите жртви и да ги ставаат таму своите приноси за мене со навреда и своите благопријатни кадива, извр­шувајќи ги таму и своите преливи.

²⁹А Јас им реков — каква е таа висо­чинка, каде што одите? Затоа таа и до ден денс се вика Бама.

³⁰Ете затоа, кажи му на домот Изра­елов — вака вели Господ Бог: Зар не се осквернувате по примерот на вашите татковци и зар не блудствувате со нивните гадотии?

³¹Принесувајќи ги даровите свои и префрлувајќи ги синовите свои преку оган, вие се осквернувате со сите ваши идоли до овој ден — па Ме прашувате за совет, доме Израелов? Жив сум Јас, вели Господ Бог, нема да ви одговорам.

³²И она, што ви паѓа на ум, никако нема да се изврши. Вие велите: ‚ќе му служиме на дрвото и на каменот како незнабошците, како племињата од други земји.‘

³³Жив сум Јас, вели Господ Бог; со силна рака и со протегната десница, изливајќи јарост, ќе господарам над вас.

³⁴ⓤИ ќе ве изведам Јас откај народите и од земјите, по кои сте распрснати, и ќе ве соберам со силна рака и со протегната мишка, изливајќи јарост.

³⁵И ќе ве доведам во пустината на народите и таму ќе се судам со вас лице во лице.

³⁶Како што се судев со предците ваши во пустината на египетската земја, така ќе се судам и со вас, вели Господ Бог.

³⁷ⓥИ ќе ве преведам под стап и ќе ве ставам во оковите на заветот.

³⁸И ќе ги одделам од вас отстапниците и непокорните. Ќе ги изведам од земјата, каде што живеат, но во земјата израелска тие нема да влезат, — и ќе познаете дека Јас сум Господ.

³⁹А вие, доме Израелов, така вели Господ Бог — секој од вас оди кај идо­лите свои и им служи, не слушајќи Ме Мене, но не осквернувајте го повеќе светото име Мое, со вашите дарови и со вашите идоли,

⁴⁰ⓦзашто на Мојата света гора, на високата планина Израелова — вели Господ Бог — таму ќе Ми служи сиот Израелов дом, целиот, колку што го има на земјата; таму ќе ги примам со благоволение и таму ќе ги побарам при­носите ваши и првините ваши со сите ваши светињи.

⁴¹ⓧЌе ве примам како благопријатно кадиво, кога ќе ве изведам од народите и ќе ве соберам од земјите, по кои сте распрснати и ќе ја покажам Својата светост меѓу вас пред очите на народите.

⁴²Па ќе познаете дека Јас сум Господ, кога ќе ве воведам во земјата Израелска — во земја, за која се заколнав на тат­ковците ваши, откако ја подигнав раката Своја.

⁴³И ќе се сетите таму за вашите па­тишта и за сите ваши дела, со кои се осквернувавте, па ќе се гадите од са­мите себе, за сите ваши злодела, што сте ги вршеле.

⁴⁴И ќе познаете дека Јас сум Господ, кога ќе почнам да постапувам со вас заради името Свое, не според вашите лоши патишта и вашите развратни де­ла, доме Израелов, вели Господ Бог.“