Захарија 14:1-21 MKDB2006 - Bible AI

¹ⓞЕте, доаѓа денот Господов кога ќе го разделат ограбеното од те­бе среде тебе.

²ⓟЌе ги соберам сите народи во војна против Ерусалим; градот ќе биде преземен, и домовите разграбени; жените ќе бидат обесчестени, половината од гра­дот ќе отиде во ропство; но останатиот народ нема да биде истребен од градот.

³Тогаш ќе излезе Господ и ќе се сврти против тие народи, како што војува во борбен ден.

⁴ⓠИ ќе застанат нозете Негови на Маслиновата Гора во оној ден, што се наоѓа спроти Ерусалим од источната страна: и ќе се расцепи Маслиновата Гора од исток кон запад со многу голема долина и половината ќе се помести кон север, а втората половина — кон југ.

⁵ⓡИ вие ќе побегнете во долината на Мојата гора, зашто планинската долина ќе се протега до Ацал; а ќе побегнете како што бегавте од земјотресот во де­новите на Озија, царот Јудејски; и ќе дојде Господ, мојот Бог, и сите светии со Него.

⁶Во тој ден нема да има светила, све­тилата ќе бидат премавнати.

⁷ⓢТој ден ќе биде чуден, познат само на Господ; ниту ден, ниту ноќ — и ноќе ќе биде виделина.

⁸ⓣВо тој ден ќе потечат живи води од Ерусалим, половина кон источното море, а половина кон западното море; така ќе биде и лете и зиме.

⁹ⓤИ Господ ќе биде Цар над целата земја; во тој ден Господ ќе биде единствен и името Негово — едно единствено.

¹⁰ⓥЦелата таа земја ќе се претвори во рамнина од Гева до Римон, јужно од Ерусалим, кој ќе се извиши на местото свое и ќе се насели од Портите Вени­јаминови до местото на Првите Порти, до Аголните Порти, и од кулата на Хананел до царските визби.

¹¹ⓦИ ќе се населат во него, и проклетство нема да има повеќе, а Ерусалим ќе живее во мир.

¹²ⓧА еве какво ќе биде поразувањето, со кое Господ ќе ги порази сите народи, кои војувале против Ерусалим — месото ќе им се распаѓа уште додека стојат на нозете свои, и очите ќе им скапуваат во длабнатините, и јазикот ќе им изгние во устата нивна.

¹³ⓨИ во тој ден ќе завладее голем смут од Господ, така што еден друг ќе се фаќаат за раката своја и секој ќе ја подига раката своја против раката на ближниот свој.

¹⁴ⓩДури и Јуда ќе војува во Ерусалим, и богатството на сите околни народи ќе биде собрано: злато, сребро и облеки во голем број.

¹⁵Таков пораз ќе има и врз коњите и маските, камилите и магарињата, и врз секаков добиток, што ќе се наоѓа во логорите нивни.

¹⁶ⓐА потоа сите што ќе преживеат, од оние кои војувале против Ерусалим, од сите народи, ќе доаѓаат од година во година, за да се поклонат на Царот, на Господ Саваот, и да го празнуваат празникот Сеници.

¹⁷ⓑИ, ако некое од племињата земни не појде во Ерусалим, за да Му се поклони на Царот, на Господ Саваот, дожд нема да падне кај нив.

¹⁸И, ако племето египетско не тргне на пат и не дојде тука, и него ќе го постигне пораз, со каков што ги порази Господ оние народи, што не доаѓале да го празнуваат празникот Сеници.

¹⁹Таква ќе биде казната за Египет и на сите народи, кои нема да дојдат да го празнуваат празникот Сеници.

²⁰ⓒВо тоа време дури на уздите од коњите ќе биде забележано „Посветен на Господ“, и котлите во домот Госпо­дов ќе бидат како жртвените садови пред жртвеникот.

²¹ⓓИ сите котли во Ерусалим и во Ју­деја ќе бидат посветени на Господ Саваот, и ќе доаѓаат сите што принесуваат жртва, ќе ги земат и ќе варат во нив, и нема повеќе да има ниту еден трговец во домот на Господ Саваот во тој ден.