Излез 37:1-29 MKDB2006 - Bible AI

¹ⓩИ направи Веселеил од дрвото шитим ковчег, два и пол лакти долг, еден и пол лакот широк и лакот и пол висок;

²ⓐго опкова однатре и однадвор со чисто злато и му направи златен венец наоколу;

³излеа за него четири алки од злато за четирите негови агли: две алки за едната негова страна, и две за другата;

⁴направи лостови од дрвото шитим и ги опкова со злато;

⁵и ги спровре лостовите низ алките од обете страни на ковчегот, за да може ковчегот да се носи.

⁶ⓑПотоа направи капак од чисто злато: во должина — два и пол лакти; во ширина — лакот и половина.

⁷ⓒНаправи и два херувима од злато; ги направи исковани на двата краја од капакот;

⁸едниот херувим на едниот крај, а другиот херувим на другиот крај; херувимите ги направи да се издаваат од обата краја на капакот.

⁹ⓓИ херувимите беа со раширени крилја, одозгора, и со крилјата свои го покриваа поклопецот — чистилиште, а со лицата свртени еден спрема друг, и насочени кон чистилиштето.

¹⁰ⓔНаправи и трпеза од дрвото шитим, со должина од два лакти и ширина од лакот, а лакот и половина во височина.

¹¹ⓕИ ја опкова со чисто злато, и наоколу ѝ направи златен венец;

¹²потоа ѝ направи страници наоколу, колку дланка широки, а по страниците ѝ направи златен венец.

¹³Излеа за неа четири алки од злато, и алките ги прицврсти на четирите агли при четирите нозе,

¹⁴ⓖна страниците имаше алки, низ кои беа проврени лостови, за да може трпезата да се носи.

¹⁵А лостовите ги направи од дрвото шитим, за носење на трпезата, и ги покри со злато.

¹⁶Потоа направи садови од чисто злато, определени за трпезата: чинии, кадилници, чаши и црпки, со кои ќе се прелива.

¹⁷ⓗНаправи и светилник од чисто злато, кован го направи: стеблата и гранките, чашките, јаболчињата и цветовите му излегуваа од него.

¹⁸Шест гранки му излегуваа од стра­ните: три гранки од едната страна на светилникот, а три гранки на другата страна од светилникот;

¹⁹три чашки како бадемов цвет со јаболче и цветови имаше на едната гранка, а три чашки како бадемов цвет со јаболче и цветови на другата гранка; така беше на сите шест гранки што излегуваа од светилникот.

²⁰А на самиот светилник имаше стеб­ло со четири чашки како бадемов цвет со јаболчиња и цветови:

²¹едно јаболче беше под двете гранки од него, и едно јаболче под другите две гранки од него; така и под третите две гранки од шест гранки што излегуваа од него.

²²ⓘЈаболчињата нивни и гранките нивни излегуваа од него; целиот беше искован од чисто злато.

²³ⓙИ му направи седум кандилца, а и штипки и пепеларки од чисто злато;

²⁴од кикар чисто злато го направи со сиот негов прибор.

²⁵ⓚИ направи жртвеник за кадење од дрвото шитим: лакот долг и лакот широк, четириаголен, два лакти висок; и од него му излегуваа роговите;

²⁶па го опкова со чисто злато одозгора и страните наоколу, а и неговите рогови; му направи и златен венец наоколу;

²⁷ⓛи две алки од злато му направи под венецот на двата агли негови, ги направи од двете негови страни, за да се спроврат низ нив лостовите, за да може да се носи.

²⁸ⓜЛостовите ги направи од дрвото шитим, и ги опкова со злато.

²⁹ⓝИ направи масло за свето пома­за­ние и мирисно кадиво, чисто, со веш­тина на мироварец.