Изреки 11:1-31 MKDB2006 - Bible AI

¹ⓜНеисправните мерила се одвра­тни пред Господ, а точните мерки Нему Му се угодни.

²ⓝЌе дојде ли гордоста, ќе дојде и срамот, но мудроста е со смирените.

³ⓞНепорочноста на простодушните ќе ги раководи, а лукавството на подмолните ќе ги погуби.

⁴ⓟБогатството нема да помогне во денот на гневот, а правдата ќе спаси од смрт.

⁵ⓠПравдата на непорочниот го из­рамнува неговиот пат, а нечестивиот ќе падне поради својата нечесност.

⁶ⓡПравдата на простодушните ќе ги спаси, а беззакониците ќе бидат уло­вени од своето беззаконие.

⁷ⓢСо смртта на нечестивиот човек, исчезнува надежта негова, и очекувањето на беззакониците загинува.

⁸ⓣПраведникот се спасува од неволја, а место него во неа паѓа нечестивиот.

⁹ⓤЛицемерниот го погубува со уста ближниот свој, а праведниците се спасуваат со знаење.

¹⁰ⓥКога праведниците живеат во бла­госостојба, градот се радува, а кога за­гинуваат безбожниците, настанува ве­селба.

¹¹ⓦСо благословот на праведните гра­дот се издига, а преку устата на нечес­тивите се разрушува.

¹²ⓧМалоумниот искажува презир кон ближниот свој, но разумниот чо­век молчи.

¹³ⓨКој оди да озборува, издава тајна, но верниот човек ја чува тајната.

¹⁴ⓩКаде што нема водство, народот пропаѓа, а при многу советници жи­вее во благосостојба.

¹⁵ⓐКој се застапува за друг, зло си до­несува, а кој го мрази давањето гаранција, тој е во безопасност.

¹⁶ⓑДобрата жена спечалува слава, а работливиот човек се здобива со богатство.

¹⁷ⓒМилосрдниот човек си прави добро на душата своја, а жестокиот по срце го руши телото свое.

¹⁸ⓓБезбожникот врши измамлива ра­бота, а на оној што сее правда, наградата му е вистинска.

¹⁹ⓔПраведноста води кон живот, а кој се стреми кон зло, се стреми кон смртта своја.

²⁰ⓕПодмолните по срце се одвратни пред Господ, а непорочните во својот пат Нему Му се благоугодни.

²¹ⓖМожеш со сигурност да речеш дека порочниот нема да остане не­казнет, а семето на праведните ќе се спаси.

²²ⓗОна што е златна алка на носот кај свињата, тоа е жена убава, но без разум.

²³ⓘПраведните сакаат само добро, а нечестивите ги очекува гнев.

²⁴ⓙЕден раздава штедро, и уште му се додава; а друг преку мера е скржав, и пак е сиромав.

²⁵ⓚДобротворната душа ќе биде наси­тена, и кој напојува други, и тој самиот ќе биде напоен.

²⁶ⓛКој задржува храна за себе, него народот го проколнува; а кој ја продава — врз главата негова стои благо­слов.

²⁷ⓜКој се стреми кон добро, тој бара благоволение; а кој бара зло, него и го снаоѓа.

²⁸ⓝОној што се надева на богатството свое, ќе пропадне; а праведниците како зелено дрво ќе напредуваат.

²⁹ⓞКој ја запустува куќата своја, ќе нас­леди ветар, а неразумниот му е слуга на мудриот.

³⁰ⓟПлодот на праведникот е дрво на животот, а мудриот придобива човеч­ки души.

³¹ⓠАко на праведникот му се плаќа на земјата, дотолку повеќе на нечес­тивиот и на грешниот.