Изреки 12:1-28 MKDB2006 - Bible AI

¹ⓡКој ја сака поуката, го сака знаењето; а кој го мрази изоб­личу­вањето — неразумен е.

²ⓢДобриот добива благодат од Гос­под, а на подмолниот Тој ќе му суди.

³ⓣЧовек нема да се зацврсти со беззаконие; а коренот на праведните е неподвижен.

⁴ⓤДобродетелна жена е венец за ма­жот свој, а онаа, што го срамоти, е како гнилеж во коските негови.

⁵ⓥМислите на праведните се правда, а плановите на безбожниците — подмолност.

⁶ⓦЗборовите на нечестивите се заседа за пролевање крв, а устата на праведните ги спасува.

⁷ⓧКаде и да се свртат нечестивите — исчезнуваат, а домот на праведните ос­танува.

⁸ⓨЧовекот го фалат според разумот негов, а развратниот по срце ќе биде презрен.

⁹ⓩПодобро да си мал, но да работиш за себеси, отколку да се правиш големец, а да немаш леб.

¹⁰ⓐПраведникот се грижи и за животот на добитокот свој, а срцето на безбож­никот е жестоко.

¹¹ⓑКој ја обработува земјата своја, ќе се наситува со леб; а кој оди по стапките на безработниците, неразумен е.

¹²ⓒЖелбата на грешникот е стапица од зло; но коренот на праведниците дава плод.

¹³ⓓНечесниот се фаќа во мрежа преку гревовите на устата своја; но праведниот ќе се спаси од неа.

¹⁴ⓔОд плодот на устата своја човекот се наситува со добро, и на човек му се дава според делата на неговите раце.

¹⁵ⓕПатот на неразумниот му се чини прав во неговите очи; но кој слуша совет, тој е мудар.

¹⁶ⓖГлупавиот веднаш ќе го покаже гневот свој, а благоразумниот ја сми­рува лутината своја.

¹⁷ⓗКој го кажува она што го знае, тој говори правда, а лажниот сведок говори измама.

¹⁸ⓘПразнословецот ранува како меч, а јазикот на мудрите лекува.

¹⁹ⓙПраведната уста вечно живее, а лажливиот јазик — само еден миг.

²⁰ⓚВо срцето на оние што мислат зло, има подмолност, а кај миротвор­ците — радост.

²¹ⓛПраведниот нема да го достаса никакво зло, а безбожниците ќе бидат преполни со зло.

²²ⓜЛажливата уста е одвратност пред Господ, а кој говори вистина, благоугоден Му е Нему.

²³ⓝРасудлив човек го прикрива зна­ењето свое, а срцето на глупавите го разгласува своето безумие.

²⁴ⓞРаката на работливите ќе господари, а мрзливоста води во ропство.

²⁵ⓟТагата во срцето го притиска чове­кот, а добриот збор го развеселува.

²⁶ⓠПраведниот му го покажува патот на ближниот свој, а патот на нечестиви­те ги води во заблуда.

²⁷ⓡМрзливиот својот лов не го пече; а трудољубивоста е големо богатство.

²⁸ⓢПо патот на правдата има живот, и во нејзината патека нема смрт.