Изреки 23:1-35 MKDB2006 - Bible AI

¹ⓧКога ќе седнеш да јадеш со властодржец, гледај добро што има пред тебе,

²и постави ограда на грлото свое, ако си лаком.

³Не се мами од вкусните гозби не­гови: тие се примамлива храна.

⁴ⓨАко си сиромав, не настојувај да трупаш богатство; бегај од таквите мисли.

⁵Ќе ги устремиш очите кон него, и еве веќе го нема: тоа ќе си направи крилја и како орел ќе летне кон небото.

⁶ⓩНе јади леб кај завидлив човек и не се занесувај од вкусните негови гозби;

⁷зашто какви му се мислите во душа­та негова, таков е и тој: „Јади и пиј“, ти вели, но срцето негово не е со тебе.

⁸Залакот, што си го изел, ќе го из­блуеш, и убавите зборови свои напразно ќе ги потрошиш.

⁹ⓐВо ушите на безумниот не зборувај, зашто тој ќе ги презре разумните твои зборови.

¹⁰ⓑНе преместувај стара меѓа и во нива на сираци не влегувај;

¹¹зашто нивниот Заштитник е силен; Тој ќе се замеша во делото нивно против тебе.

¹²ⓒНасочи го срцето свое кон учење и ушите свои — кон умни зборови.

¹³ⓓНе оставај го детето без казна: ако го казниш со прачка, тоа нема да умре;

¹⁴ќе го казниш со прачка, и ќе ја спасиш душата негова од пеколот.

¹⁵ⓔСинко, ако твоето срце биде муд­ро, и моето срце ќе се радува;

¹⁶ќе се радува целото мое битие, кога твојата уста говори право.

¹⁷ⓕСрцето твое нека не им завидува на грешниците, туку биди во сите дни свои во стравот Господов;

¹⁸зашто има иднина, а твојата надеж не е загубена.

¹⁹ⓖСлушај, синко, и биди мудар и насо­чувај го срцето свое по прав пат.

²⁰Не биди меѓу оние, што се опиваат со вино, меѓу оние, што се презаситуваат со месо, —

²¹зашто пијаницата, и оној што се прејадува, ќе осиромашат, а сонливоста ќе ги облече во партали.

²²ⓗСлушај го својот татко: тој те ро­дил; не ја занемарувај мајка си, кога таа ќе остарее.

²³Купувај вистина и не продавај муд­рост, учење и разум.

²⁴Таткото на праведниот се весели, и оној што родил мудар, се радува поради него.

²⁵Нека ти се радуваат татко ти и мај­ка ти, нека се радува онаа која те родила.

²⁶ⓘСинко, дај ми го мене срцето твое и очите твои да ги гледаат патиштата мои, —

²⁷зашто блудницата е длабока про­паст, а туѓа жена — тесен бунар;

²⁸таа како разбојник ги пречекува и ги умножува беззакониците меѓу лу­ѓето.

²⁹ⓙНа некого — ах, на некого — ох, на некого — кавга, на некого жал, на некого рани без причина, на некого зацрвенети очи?

³⁰На оние, што заседнуваат околу вино, кои одат да бараат вино со ароми.

³¹Не гледај го виното како се црвенее, како тоа искри во чашата, како убаво се лее;

³²отпосле тоа ќе касне како змија и ќе жилне како отровница;

³³очите твои ќе гледаат привиденија, и срцето твое ќе почне да говори не­разумно;

³⁴и ти ќе бидеш како заспан среде море и како задреман на врвот од јарбол,

³⁵па ќе речеш: „Ме тепаа и не ме болеше; ме туркаа и не чувствував. Ко­га ќе се разбудам, пак ќе го барам истото.“