Изреки 24:1-34 MKDB2006 - Bible AI

¹ⓚНе завидувај им на лошите луѓе, и не посакувај да бидеш со нив,

²зашто срцето нивно насилство на­мислува, и устите нивни за лошо зборуваат.

³ⓛСо мудрост куќа се изградува и со разум се зацврстува,

⁴а со умешност нејзините простории се исполнуваат со секакви скапоцености и добра.

⁵ⓜМудриот човек е силен, а разумниот — ја зацврстува силата своја.

⁶Затоа со обмислување се води војна, а успех ќе има со многу советувања.

⁷ⓝМудроста е недостижна за глупавиот, затоа тој не отвора уста на собирите.

⁸ⓞКој мисли да направи зло, ќе го на­речат зломисленик.

⁹Безумието има само една мисла: гре­вот, а исмејувачот е одвратен за луѓето.

¹⁰ⓟАко во злочест ден си се покажал слаб, скудна ти е силата.

¹¹ⓠСпасувај ги оние што ги водат на смрт, и поштеди ги оние, кои упла­шени одат кон губилиштето.

¹²ⓡАко кажеш: „Ете, ние не го знаевме тоа“, а Оној, Кој ги испитува срцата, зар не знае? Оној, Кој бдее над душата твоја, го знае тоа и ќе му даде на чове­кот според делата негови.

¹³ⓢЈади, синко, мед, затоа што е пријатен, и јади восочен мед, кој е сладок за грлото твое:

¹⁴такво е за душата твоја и познавањето на мудроста. Ако си ја нашол, имаш иднина, а твојата надеж нема да те остави.

¹⁵ⓣНе помислувај зло, безбожниче, против живеалиштето на праведниот, не опустошувај го местото на спокој­ството негово,

¹⁶зашто седумпати ќе падне праведникот — и пак ќе стане; а падне ли не­чесен, тој изнемогнува во злото.

¹⁷ⓤНемој да се радуваш, кога непријателот твој ќе падне, и срцето твое да не се весели, кога тој ќе се сопне.

¹⁸Инаку, Господ ќе види, и тоа пред очите Негови нема да биде угодно, и Тој ќе го оттргне од него гневот Свој.

¹⁹ⓥНе лути им се на зломислениците и не завидувај им на безбожниците,

²⁰зашто лошиот нема иднина; и све­тилото на безбожните ќе згасне.

²¹ⓦⓧИмај страв, синко, од Господ и од царот; не востанувај ни против едниот ни против другиот,

²²зашто неочекувано ќе дојде казната од нив, — а кој е тој што ќе ја предосети пропаста од нив двајцата?

²³ⓨКажано е од мудрите: не е добро во судот да има пристрасност.

²⁴Кој му вели на виновниот: „Прав си“, него народите ќе го проколнуваат, него племињата ќе го мразат;

²⁵а кои разобличуваат, ќе бидат сакани, и врз нив ќе дојде благо­словот.

²⁶ⓩВо устата бакнува оној, кој изговара зборови чесни.

²⁷Уреди ги работите надвор од куќа­та, сврши ги на нивата своја, а потоа гради го домот свој.

²⁸ⓐНе сведочи лажно против ближ­ниот свој: зошто да лажеш со устата своја?

²⁹Не вели: „Како ми направи тој мене, така и јас ќе му направам нему: ќе му се одмаздам за навредата што ми ја нанесе.“

³⁰ⓑМинував покрај нивата на мрзлив човек и покрај лозје на неразумен човек:

³¹и ете, сѐ беше обраснато со трње, нивата беше покриена со коприва, а ка­мената ограда негова беше урната.

³²И погледнав, го устремив срцето свое, погледнав и поука извлеков:

³³„Малку ќе поспиеш, малку ќе задремеш, малку со скрстени раце ќе полежиш“ —

³⁴и сиромаштијата ќе ти дојде како брзоодец, и немаштијата твоја — како вооружен човек.