Изреки 27:1-27 MKDB2006 - Bible AI

¹ⓢНе фали се со утрешниот ден, зашто не знаеш, што ќе роди тој ден.

²ⓣНека те фали друг, а не устата твоја, — туѓ, а не јазикот твој.

³ⓤТежок е каменот, тежок е и пе­сокот; но гневот на глупавиот е потежок и од едното — и од другото.

⁴ⓥЛут е гневот, нескротлива е јароста; но кој ќе издржи против зависта?

⁵ⓦПодобро отворено разобличување, отколку сокриена љубов.

⁶Искрени се прекорите од оној, кој сака, а лажливи се бакнежите од оној, кој мрази.

⁷ⓧСита душа го гази и восочниот мед, а на гладна душа и горчливото ѝ е слатко.

⁸ⓨОна што е птицата, што го на­пуштила гнездото свое, тоа е човекот, кој го напуштил местото свое.

⁹ⓩМаслото и темјанот го радуваат ср­цето; така е сладок пријателот со него­виот срдечен совет.

¹⁰ⓐНе напуштај го пријателот свој, ни­ту пријателот на таткото твој, и не му оди на братот во куќата негова во денот на неволјата твоја; подобро сосед во близина, отколку брат на­далеку.

¹¹ⓑБиди мудар, синко, и радувај го ср­цето мое, — и јас ќе имам што да му кажам на оној, што ме клевети.

¹²ⓒУмниот го гледа злото и го одбегнува; а неискусните одат невнимателно и биваат казнувани.

¹³ⓓЗеми му ја облеката, зашто се зало­жил за туѓинец; и за туѓинката земи од него залог.

¹⁴ⓔКој со силен глас го поздравува пријателот свој од рано утро, поздравот негов ќе се прифати како клетва.

¹⁵ⓕНепрестајно капење од стреа во дождлив ден и жена кавгаџика се едно исто:

¹⁶кој сака да ја задржи, тој сака да задржи ветар и со својата рака масло да фати.

¹⁷ⓖЖелезо железо остри, и човек на човека гневот го изострува.

¹⁸ⓗКој ја чува смоквата своја, ќе ги јаде плодовите нејзини, и кој го чува господарот свој, ќе биде почитуван.

¹⁹ⓘКако што е во водата лице спроти лице, така е и срцето на човека спроти човек.

²⁰ⓙПеколот и бездната не можат да се наситат: така се ненаситни и очите чо­вечки.

²¹ⓚОна што е топилницата за среброто и печката за златото, тоа се за човекот устите, што го фалат.

²²ⓛБезумниот да го толчиш со же­лезо во дибек заедно со зрната, — безумието нема да се оддели од него.

²³ⓜДобро надгледувај го добитокот свој, води грижа за стадата свои;

²⁴како што богатството не е вечно, така и власта не трае довека.

²⁵Тревата никнува, и зеленило се јавува, па се собираат билки горски,

²⁶тогаш овците треба да ти бидат тебе за облека, и козите — за купување ниви;

²⁷ќе имаш доволно козјо млеко за тебе и за твоите домашни за храна и на твоите слугинки за исхрана.