Изреки 31:1-31 MKDB2006 - Bible AI

¹ⓗЗборовите на царот Лемуел, со кои го поучила неговата мајка.

²Ах, сине мој! Ах, сине на утробата моја! Ах, сине на заветите мои!

³Не давај им ја на жени силата своја, ниту судбината своја на оние од нив, кои цареви погубуваат.

⁴ⓘНе е за царевите, Лемуеле, не е за царевите вино да пијат, ниту за кнезовите — жесток пијалак,

⁵ⓙза да не го заборават, откако ќе се опијат, законот и да ја искривуваат правдината на угнетените.

⁶ⓚДајте му алкохол на оној што оди во погибел; вино нека пијат оние со мака во душата своја;

⁷нека пивне тој за да ја заборави сиромаштијата своја и да не ги чувствуваат веќе болките свои.

⁸ⓛОтворај ја устата своја за обесправениот, и за заштита на сираци.

⁹Отворај ја устата своја и праведно суди, и заштитувај ги и сиромавиот и немоќниот.

¹⁰ⓜКој ќе најде жена добродетелна? Таа е поскапа и од најскапоцените ка­мења.

¹¹Срцето на мажот нејзин е убедено во неа, тој нема да остане без добивка;

¹²таа ќе му прави добро на мажот свој, во сите дни од животот негов.

¹³Набавува волна и лен, и весело ра­боти со рацете свои.

¹⁴Таа е како трговски кораб, — оддале­ку си донесува храна.

¹⁵Таа станува уште преку ноќта и дава храна во куќата своја и им определува работа на слугинките свои.

¹⁶Ќе помисли ли за нива, ја купува; од плодот на рацете свои си насадува лозје.

¹⁷Ја препашува со сила половината своја и ги зајакнува рацете свои.

¹⁸Таа гледа колку ѝ напредува работата, и светилката нејзина не се гасне ноќе.

¹⁹Ги протега рацете кон фурката, и прстите нејзини се фаќаат за вретеното.

²⁰Дланката своја му ја отвора на си­ромав, и раката своја на оној, кој има нужда, му ја подава.

²¹Не се плаши од студ за челадта сво­ја, зашто сета челад нејзина е облечена во двојни алишта.

²²Таа си ткае покривачи: од висон и пурпур е нејзината облека.

²³Мажот нејзин е познат кај портите, кога седи со старешините на земјата.

²⁴Таа работи покривки и ги продава, и со појаси ги снабдува Хананците.

²⁵Здравје и убавина е нејзината облека, и весело гледа на иднината.

²⁶Со мудрост ја отвора устата своја, и кротка поука има на јазикот нејзин.

²⁷Го надгледува домаќинството свое и не јаде леб во леност.

²⁸Стануваат децата и ја благословуваат, — мажот, и тој ја фали:

²⁹„Многу жени добродетелни има­ло, многу од нив стекнале богатство и сила, но ти ги надмина сите.“

³⁰Миловидноста е примамлива и уба­вината — суетна; но жена, која се плаши од Господ, е достојна за пофалба.

³¹Дајте ѝ од плодовите на нејзините раце, и нека се прославува кај градските порти поради делата свои!