Изреки 5:1-23 MKDB2006 - Bible AI

¹ⓚСинко, внимавај на мудроста моја и приближи го увото кон зборо­вите мои,

²ⓛза да ја запазиш добрата мисла, и устата твоја да го зацврсти знаењето;

³ⓜзашто мед тече од устата на неверна жена, и нејзината уста е помазна од маслиново масло;

⁴но последиците од неа се горчливи како пелин, остри како меч со две се­чива;

⁵ⓝнозете нејзини слегуваат кон смртта, стапките нејзини водат до пеко­лот.

⁶ⓞТаа не оди по патот на животот, па­тиштата нејзини се непостојани, таа е неразумна.

⁷ⓟЗатоа сега, синко, послушај ме и не отстапувај од зборовите мои.

⁸ⓠДржи го подалеку од неа патот свој и не приближувај се до вратата на куќа­та нејзина,

⁹за да не си го дадеш животот свој на друг и годините свои на мачител;

¹⁰ⓡза да не се наситуваат туѓинците од твојата сила, и работата твоја да не биде за туѓа куќа,

¹¹ⓢза да офкаш отпосле, кога плотта твоја и телото твое ќе бидат истош­тени, —

¹²ⓣзашто потоа ќе речеш: „Зошто ја мразев поуката, и срцето мое го презираше разобличувањето,

¹³ⓤзошто не го послушав гласот на моите учители, и не го приклонував увото кон оние што ме поучуваа?

¹⁴ⓥЗа малку ќе паднев во секакво зло среде собранието и општеството!“

¹⁵ⓦПиј од водата на твојот извор и од онаа, што извира од твојот кладенец.

¹⁶ⓧНека не се разлеваат твоите изво­ри по улицата, водните потоци — по плош­тадите;

¹⁷ⓨнека ти припаѓаат тие само тебе, а не и на туѓинци.

¹⁸ⓩБлагословен да биде изворот твој; и утешувај се со жената на својата младост.

¹⁹ⓐНека ти е мила како кошута и како срна драга; нејзините гради нека те допираат во секое време, со љубовта нејзина насладувај се постојано;

²⁰ⓑи зошто ти е, синко, да се забавуваш со надворешна и да ги прегрнуваш градите на туѓа?

²¹ⓒЗашто патиштата на човекот се пред очите на Господ, и Тој ги гледа си­те патеки негови.

²²ⓓБеззаконикот го фаќаат неговите сопствени беззаконија, и врските на гревот негов го држат:

²³ⓔтој умира без да биде поучен, и поради големото свое безумие загинува.