Изреки 6:1-35 MKDB2006 - Bible AI

¹ⓕСинко, ако си зел одговорност за твојот ближен и си ја дал раката своја за друг,

²ти си се врзал со зборовите на устата своја, фатен си со зборовите на својата уста.

³Затоа направи, синко еве што, за да се избавиш, бидејќи си паднал во рацете на својот ближен: оди, падни пред но­зете на блискиот свој и моли го;

⁴не давај им сон на очите твои и дремка на клепките свои,

⁵спасувај се како срна од стапица и како птица од птичар.

⁶ⓖОди кај мравката, мрзливче, види ја нејзината работа и биди мудар.

⁷Таа нема ниту началник, ни настој­ник, ниту заповедник;

⁸но ја приготвува храната лете, ја собира во време на жетва храната своја.

⁹До кога, мрзливче ќе спиеш? Кога од сонот ќе станеш?

¹⁰Малку ќе поспиеш, малку ќе подремеш, малку со скрстени раце ќе полежиш:

¹¹и ќе дојде сиромаштијата твоја како патник, и немаштијата твоја ка­ко разбој­ник.

¹²ⓗЧовек лукав, човек нечестив оди со лажлива уста,

¹³намигнува со очите, говори со нозе­те, дава знаци со прстите,

¹⁴во срцето негово има подмолност: тој смислува зло во секое време, сее раздори.

¹⁵Затоа ненадејно ќе дојде неговата пропаст, наеднаш ќе биде сотрен — и не ќе има лек за него.

¹⁶ⓘЕве шест работи, кои Господ ги мрази — дури седум, што Му се одвратни на душата Негова:

¹⁷очи горделиви, јазик лажлив и раце, што пролеваат невина крв,

¹⁸срце што крои лоши планови, нозе, кои брзо трчаат кон зло,

¹⁹лажен сведок, кој измислува лаги, и оној, што сее раздор меѓу браќа.

²⁰ⓙСинко, чувај ја заповедта на својот татко и не отфрлај ја поуката на мајка си;

²¹ⓚврзи ги засекогаш за срцето свое, врзи ги околу вратот свој.

²²ⓛКога тргнуваш, тие ќе те раководат; кога легнеш да спиеш, ќе те чуваат, а кога ќе се разбудиш, ќе разговараат со тебе;

²³ⓜзашто заповедта е светило, добриот совет — светлина, а поуката — пат кон животот,

²⁴ⓝза да те чуваат од расипана жена, од ласкав јазик на туѓа.

²⁵ⓞНе посакувај ја убавината нејзина во срцето свое, и да не те вовлече со трепките свои,

²⁶ⓟзашто блудната жена се задоволува со корка леб, а жена прељубодејка го уловува скапоцениот живот.

²⁷ⓠМоже ли некој да носи оган во гради, а да не се запали облеката негова?

²⁸Може ли некој да оди по вжарени јаглења, а да не ги изгори нозете свои?

²⁹ⓡИстото тоа станува и со оној, кој влегува кај жената на ближниот свој; оној што ќе се допре до неа, нема да остане без вина.

³⁰Не му проштеваат ни на крадецот, ако краде за да си ја насити душата, кога е гладен;

³¹ако го фатат, тој плаќа седумпати повеќе, го дава целиот свој имот.

³²Кој, пак, врши прељуба со прељубница, тој нема ум; си ја погубува душата своја, оној што го прави тоа;

³³биење и срам ќе најде тој, и бес­честието негово нема да се избрише,

³⁴зашто љубомората ја разгорува јароста на мажот, и во денот на одмаздата своја — тој не ќе знае за милост,

³⁵нема да прими никаков откуп и нема да се задоволи ни со многу подароци.