Исаија 12:1-6 MKDB2006 - Bible AI

¹ⓙВо оној ден ќе речеш: „Ќе Те славам, Господи! Ти ми беше гневен, но го одврати гневот Свој и ме утеши.“

²ⓚЕте, Бог е моето спасение; на Него се надевам; и не се плашам; зашто Гос­под е мојата сила, Господ е мојата пес­на; Тој ми е спасение.

³ⓛТогаш со радост ќе црпите вода од изворите на спасението,

⁴ⓜво тој ден ќе речете: „Славете Го Господа, повикувајте Го името Негово; разгласувајте ги меѓу народите делата Негови; напомнувајте дека името Него­во е големо;

⁵пејте Му на Господ, зашто Тој на­правил нешто големо — нека го знаат тоа по целата земја.

⁶ⓝВесели се и радувај се, жителко Сио­нова, зашто, голем е меѓу тебе Свете­цот на Израел.“