Исаија 23:1-18 MKDB2006 - Bible AI

1ⓑПророштво за Тир. — Плачете бродови на Тарсис, зашто тој е разрушен: нема куќи и нема кој да влегува во куќите. Тоа им беше сооп­штено на враќање од земјата Китим.

2ⓒМолкнете жители на крајбре­жјето, што го полнеа сидонските трговци, пло­вејќи по море.

3ⓓПо големи води се пренесуваат во него житата на Шихор, жетвата на го­лемата река; тој беше пазариште на народите.

4ⓔЗасрами се, Сидоне: зашто, еве што вели морето, морската тврдина: не сум се мачела со родилни маки и не сум ра­ѓала, не сум одгледувала момци, ниту израснувала моми.

5ⓕКога ќе стигне веста до Егип­ќаните, тие ќе затреперат штом ќе чујат за Тир.

6Преселувајте се во Тарсис, плаче­те, жители на приморјето!

7ⓖТоа ли е вашиот град кој ликува, чиј почеток е од древните дни? Нозе­те не­гови го носеа, да се скита далеку во ту­ѓина.

8ⓗКој го одреди тоа за Тир, што раздаваше венци, чии купувачи беа кнезови, а трговците негови — најпрочуе­ни во земјата?

9ⓘГоспод Саваот го одреди тоа, за да посрами секоја горда слава, за да ги понизи сите најпрочуени во земјата.

10Оди по земјата своја, таршишка ќерко, како реката: нема повеќе преч­ки[2].

11ⓙТој протегна рака врз морето, затресе царства; Господ додаде повелба за Ханан — да ги разруши тврдините негови,

12ⓚи рече: „Нема повеќе да ликуваш, посрамена девице, ќерко сидонска, оди во Китим, но и таму нема да имаш мир.“

13ⓛЕте ја земјата на Халдејците. Тој народ постојано го немаше; Ашур му стави почеток од пустински жители. Тие ги издигаа кулите свои, ги собо­руваа дворците негови, го претворија во урнатини.

14Плачете, кораби таршишки, зашто вашата тврдина е разрушена.

15ⓜИ во тој ден ќе го заборават Тир за седумдесет години, колку што се де­новите на еден цар. А по седумдесет години ќе се пее за Тир, како што се пее за блудница:

16„Земи харфа, тргни по градот, блуднице заборавена! Свири убаво, пеј многу песни за да се сеќаваат на тебе.“

17ⓝИ ете, по седумдесет години Господ ќе го посети Тир; и тој пак ќе ја добива печалбата своја и ќе блудствува со сите земни царства по целата вселена.

18ⓞНо трговијата негова и печалбата му ќе бидат посветувани на Господ; не­ма да бидат затворени и натрупани во складови, зашто печалбата од трговијата негова ќе преминува на оние што живеат пред лицето на Господ, за да јадат до наситување и да имаат трајни облеки.

© Библиско Здружение на Р. Македонија 2006 © Bible Society of the Republic of Macedonia 2006
div>