Исаија 27:1-13 MKDB2006 - Bible AI

¹ⓞВо тој ден Господ ќе го порази со Својот тежок, со Својот го­лем и јак меч левијатанот — змејот што лета, левијатанот — лукавата зми­ја и ќе го убие морското чудовиште.

²ⓟВо тој ден запејте за Него — за сака­ното лозје!

³ⓠЈас, Господ, сум негов чувар, во секој миг го напојувам; ноќе и дење го вардам, за да не влезе некој во него.

⁴ⓡГнев нема во Мене. Но ако Ми покаже трње и боцки, ќе кренам против него војна, ќе го изгорам сосема,

⁵ⓢосвен, ако пребегне кон заштитата Моја и склучи мир со Мене. Тогаш нека склучи мир со Мене.

⁶ⓣВо идните дни Јаков ќе се вкорени; Израел ќе пушти гранки и ќе расцути; и вселената ќе се исполни со плодови.

⁷ⓤТака ли го поразуваше Тој, како што ги поразуваше оние, кои него го поразуваа? Така ли ги убиваше, како што се убивани оние, кои него го убиваа?

⁸ⓥСо мерка го казнуваше Ти, кога го отфрлаше; го разнесуваше со силниот Свој здив, како во ден на источен ветар.

⁹ⓦИ преку тоа ќе се избрише беззаконието на Јаков; а плод од тоа ќе биде: ќе се симне гревот од него, кога сите камења од жртвениците ќе ги претвори во грутка вар, нема повеќе да стрчат идолите на Ашера и идолите на сонцето.

¹⁰ⓧЗашто утврдениот град запусте, живеалиштата се напуштени и зафрлени како пустина. Таму пасат телиња, таму лежат и ќе ги подјадуваат гран­чињата негови.

¹¹ⓨКога гранките ќе му се исушат, ќе ги искршат; ќе дојдат жени и ќе ги изгорат. Бидејќи тој народ е неразумен, Творецот негов нема да го сожали, Создателот нема да го помилува.

¹²ⓩНо во тој ден Господ ќе растресе сѐ од големата река до потокот египетски, а вие, синовите Израелови, ќе бидете собрани еден по еден;

¹³ⓐво тој ден ќе затруби голема труба, и ќе дојдат оние што се загубиле во асирската земја и прогонетите во еги­петската земја и ќе Му се поклонат на Господ на светата гора во Ерусалим.