Исус Навин 12:1-24 MKDB2006 - Bible AI

¹ⓦЕве ги царевите на оние земји, кои синовите Израелови ги убија и чија земја ја наследија од онаа страна на Јордан, од каде што изгрева сонцето, од Арнонската долина сѐ до планината Ермон, и целата рамнина на исток;

²ⓧСихон, аморејскиот цар, со престолнина во Есевон, и со власт што се протега од Ароер, што се наоѓа крај бреговите на потокот Арнон, до средината на потокот, и половината Галаад, до потокот Јавок, кој е граница со Амо­новите синови;

³потоа рамнината на исток од Гени­саретското Езеро, сѐ до областа источ­но од Мртвото Море, во насока на Бет-Јешимот и уште на југ регионот во подножјето на планината Фазга;

⁴ⓨи Ог, башанскиот цар, последниот од гигантите кој живееше во Аштарот и во Едреи,

⁵и владееше во планината Ермон и Салеха, и со целиот Башан, до Гесурската и Маахатската граница, и со половината од Галаад, до пределите на хешбонскиот цар Сихон.

⁶ⓩМојсеј, слугата Господов, и синовите Израелови ги убија; и ја даде Мојсеј, слугата Господов, таа земја во наслед­ство на племето Рувимово и Гадово и на половината од племето Манасиево.

⁷А ова се царевите, кои ги победи Исус и синовите Израелови од онаа страна на Јордан на запад, од Ваал-Гад во Ливанската долина до планината Халак, која се протега кон Сеир, и чија земја Исус им ја подели во наследство на племињата Израелови со ждрепка;

⁸тоа се областите по планината, по низините, во рамнината и во ридовите, во пустината и во јужните области, каде што живеат Хитијците, Аморејците, Хананците, Перизијците, Евејците и Јевусијците;

⁹царот ерихонски — еден, и царот на Гај, што е близу до Ветил, еден

¹⁰ерусалимски цар — еден, хевронски цар — еден,

¹¹јармутски цар — еден, лахишки цар — еден,

¹²еглонски цар — еден, гезерски цар — еден,

¹³девирски цар — еден, гедерски цар — еден,

¹⁴цар на Хорма — еден, арадски цар — еден,

¹⁵цар на Ливна — еден, адуламски цар — еден,

¹⁶македски цар — еден, ветилски цар — еден,

¹⁷цар на Тапуах — еден, хеферски цар — еден,

¹⁸афекски цар — еден, лашаронски цар — еден,

¹⁹мадонски цар — еден, хацорски цар — еден,

²⁰цар на Шимрон-Мерон — еден, ахшафски цар — еден,

²¹таанахски цар — еден, мегидонски цар — еден,

²²кедешки цар — еден, цар на Јокнеам Кармил — еден,

²³дорски цар на висорамнината Дор — еден, гоимски цар во Галил — еден,

²⁴ⓐи царот на Тирца — еден. Вкупно триесет и еден цар.