Исус Навин 20:1-9 MKDB2006 - Bible AI

¹ⓛИ му рече Господ на Исус, велејќи:

²„Кажи им на синовите Израелови: одредете си градови — прибежишта, за кои ви говорев преку Мојсеј,

³ⓜза да може да избега таму убиец, кој убил човек по грешка, од небрежност; нека ви бидат прибежиште од одмаздникот за крв.

⁴И кој ќе избега во еден од тие градови, нека застане пред портите од градот и гласно нека го раскаже делото свое на градските старешини; тие да го примат кај себе во градот и да му дадат место, за да живее кај нив;

⁵а ако одмаздникот за крв ќе почне да го гони, тие не треба да го предадат убиецот во рацете негови, зашто тој убил ближен свој од небрежност и немал претходно спрема него омраза.

⁶ⓝИ нека остане во тој град, сѐ додека не излезе на суд пред народот, или додека не умре големиот свештеник, што ќе биде во тие денови. А потоа убиецот нека се врати и нека си оди во градот свој и во домот свој, од каде што избегал.“

⁷И го одредија Кедес во Галилеја, во Нефталимовата Гора, Сихем во Ефре­мовата Гора, и Кирјат-Арба, односно Хеврон, во гората Јудина;

⁸од онаа страна на Јордан, спроти Ерихон, на исток, ги одредија: Бецер во пустината, во рамнината, од Рувимо­вото племе; Рамот во Галаад, од Га­довото племе, и Голан во Башан, од Манасиевото племе.

⁹Тие градови беа одредени за сите Израелови синови и за придојдените, кои живеат меѓу нив, за да избега таму секој, кој по грешка убил човек, за да не умре од раката на одмаздникот, пред да излезе на суд пред народот.