Левитска 14:1-57 MKDB2006 - Bible AI

¹И му рече Господ на Мојсеј, велејќи:

²ⓩ„Еве го законот за лепрозен, кога се извршува неговото очистување: нека го доведат кај свештеникот.

³Свештеникот треба да излезе надвор од населбата, па ако увиди дека тој се излекувал од лепрата,

⁴ⓐда нареди за оној што се очистил да се земат две чисти живи птици, кедрово дрво, црвен јаток и исоп.

⁵Потоа свештеникот да заповеда да се заколе една од птиците над глинен сад, над изворска вода;

⁶и да ја земе живата птица, кедровото дрво, црвениот јаток и исопот, и да ги натопи нив и живата птица во крвта на птицата заклана над живата вода,

⁷ⓑи попрскувајќи го седумпати оној, кој се очистил од лепрата, да го прогласи за чист, а живата птица да ја пушти в поле на слобода.

⁸ⓒОној, кој се очистил, да ги испере алиштата свои, да ја истриже сета коса, да се измие со вода, и ќе биде чист; потоа да влезе во населбата и да престои седум дена надвор од домот свој.

⁹ⓓНа седмиот ден да се избричат сите влакна на главата, на брадата, на веѓите — сите влакна да ги избричи и да ги испере алиштата, потоа да го измие телото свое со вода, и ќе биде чист;

¹⁰ⓔна осмиот ден да земе две машки јагниња, без недостаток, и една овца едногодишна без мана како и три десетини од ефа пченично брашно, поме­шано со масло, со лебен принос, и еден лог масло.

¹¹ⓕСвештеникот, кој ќе го врши очис­тувањето, да го претстави оној што се очистува заедно со приносот пред Гос­под при влезот од скинијата на собранието.

¹²ⓖИ ќе го земе свештеникот едното јагне и ќе го приведе како жртва за вина, и логот со масло, и нека го принесе тоа, нишајќи ги пред Господ;

¹³ⓗи ќе го заколе јагнето на она место, каде што се колат жртвите сепаленици поради грев, на свето место, зашто жртвата за вина како и жртвата за грев му припаѓа на свештеникот: тоа е голема светиња.

¹⁴ⓘИ свештеникот ќе земе од крвта на жртвата за вина и ќе го намаже крај­чето од десното уво на оној кој се очистува, и палецот на десната негова рака, и палецот на десната негова нога.

¹⁵Потоа свештеникот нека го земе логот со маслото и нека излее од маслото во својата лева дланка,

¹⁶па ќе го натопи својот десен показалец во маслото што му е во левата дланка, и со прстот ќе попрска од маслото седумпати пред Господ,

¹⁷а со остатокот од маслото, што му е во дланката, ќе го намачка крајчето од десното уво на оној што се очистува, и палецот на десната нога, и палецот на десната рака, на оние места каде што е крвта од жртвата поради вина.

¹⁸Преостанатото, пак, масло, што му е во дланката на свештеникот, тој ќе го излее врз главата на оној што се очистува; и ќе го очисти свештеникот пред Господ.

¹⁹Потоа свештеникот ќе ја принесе жртвата за грев и ќе го очисти оној што се очистува од неговата нечистота, а потоа ќе ја заколе жртвата сепаленица.

²⁰И ќе ги принесе жртвата сепаленица и лебниот принос на жртвеникот; и ќе го очисти свештеникот и тој ќе биде чист.

²¹ⓙАко е, пак, сиромав и не е во мож­ност, тој нека земе едно јагне како жртва за вина за своето очистување, и еден десетти дел од ефа пченично бра­ш­­но, помешано со масло, како лебен принос, како и еден лог масло,

²²и две грлици или два млади гулаба, што ќе најде, — едната од тие птици да е жртва за грев, а другата — жртва сепаленица.

²³На осмиот ден од своето очистување, да му ги донесе тој на свеш­теникот крај вратата од скинијата на собранието, пред лицето Господово.

²⁴Свештеникот ќе го земе јагнето што е жртва за вина и логот со масло, и ќе го принесе тоа, нишајќи го пред Господ.

²⁵И, штом ќе го заколе јагнето како жртва за вина, свештеникот ќе земе од крвта на жртвата за вина и ќе го намаже крајчето од десното уво на оној, кој се очистува, и палецот на десната рака, и палецот на десната нога.

²⁶А од маслото свештеникот ќе излее во својата лева дланка;

²⁷и со десниот показалец, од маслото што му е во левата дланка, да попрска седумпати пред Господ.

²⁸И да го намаже свештеникот со масло, од она што му е во дланката, крајчето на десното уво на оној што се очистува, и палецот на десната рака, и палецот на десната нога, на она место каде што е крвта од жртвата за вина.

²⁹Остатокот, пак, од маслото што му е во дланката, да го излее врз главата на оној што се очистува, за да го направи чист пред Господ.

³⁰Потоа нека ја принесе свештеникот едната грлица, или едниот млад гулаб, каков што ќе најде, оној, кој се очистува;

³¹едната птица — жртва за грев, а другата — жртва сепаленица, заедно со лебниот принос; и свештеникот ќе го на­прави оној што се очистува чист пред Господ.

³²Тоа е законот за оној што добил лепра, а при чистењето немал доволно средства.“

³³И им рече Господ на Мојсеј и на Арон, велејќи:

³⁴ⓚ„Кога ќе влезете во земјата ханан­ска, што ви ја давам да ја владеете, и ќе испратам лепра во куќите што ќе бидат ваши,

³⁵тогаш оној, чија е куќата, треба да отиде кај свештеникот и да каже: ‚по сѐ изгледа во мојата куќа се појави зараза.‘

³⁶А свештеникот ќе нареди куќата да се испразни пред тој да влезе да ја прегледа заразата, за да не стане нечисто сѐ што е во куќата; потоа свештеникот ќе дојде и ќе ја прегледа куќата.

³⁷И тој, кога ќе ја прегледа раната и ќе види дека заразата по ѕидовите на куќата се состои од зеленикави или црвеникави длабнатинки и по својот изглед се всадила во ѕидовите,

³⁸ќе излезе од куќата низ вратата, а куќата ќе ја затвори за седум дена.

³⁹А кога во седмиот ден ќе се врати, и ќе види дека заразата се проширила по ѕидовите на куќата,

⁴⁰ќе нареди да се извадат камењата на кои има зараза, и да се фрлат надвор од населбата, на нечисто место;

⁴¹а куќата одвнатре целата да ја истружат и струганиците да ги исфрлат надвор од градот, на нечисто место.

⁴²И да земат други камења и да ги стават на местото на извадените и со друг малтер да ја измачкаат куќата.

⁴³Ако заразата пак се појави и почне да се шири по куќата, откако се из­ва­дени камењата и куќата е истругана и премачкана,

⁴⁴свештеникот, штом ќе влезе и види дека заразата се раширила по куќата, во таа куќа има лоша лепра — нечиста е.

⁴⁵Таа куќа да се урне, а камењата и дрвата и сиот малтер од куќата да се изнесат надвор од градот, на нечисто место.

⁴⁶Оној што ќе влегува во таа куќа, додека е таа затворена, нечист ќе биде до вечерта;

⁴⁷а оној што ќе спие во таа куќа, да ја испере облеката своја; и кој ќе јаде во таква куќа, и тој треба да ја испере облеката своја.

⁴⁸Ако, пак, свештеникот дојде и види дека заразата во куќата не се раширила, откако е куќата премачкана, нека ја прогласи куќата за чиста, бидејќи заразата поминала.

⁴⁹А за да ја очисти куќата, ќе земе две живи птици, кедрово дрво, црвен јаток и исоп,

⁵⁰и ќе ја заколе едната птица над глинен сад, над изворска вода.

⁵¹Потоа тој ќе го земе кедровото дрво и исопот, црвениот јаток и живата птица и ќе ги натопи во крвта од закланата птица и во изворската вода, и ќе ја попрска куќата седумпати,

⁵²и ќе ја очисти куќата со крвта од птицата и со живата вода, со живата птица и кедровото дрво, со исопот и со црвениот јаток;

⁵³потоа живата птица да ја пушти во полето, надвор од градот, и ќе го очисти домот и домот ќе биде чист.

⁵⁴Тоа е законот за секоја зараза од лепра и за ќелата,

⁵⁵и за лепра по облеката и по куќите,

⁵⁶и за оток, и за лишаи, и за дамки, —

⁵⁷за да се знае кога се тие нечисти, а кога — чисти: ова е законот за лепрата.“