Марко 2:1-28 MKDB2006 - Bible AI

¹ⓘПо неколку дена, Тој пак дојде во Ка­пернаум; и се чу дека е в куќи.

²ⓙВеднаш се собраа мнозина, така што и пред вратата не можеа да се сместат; а Тој им го објавуваше Словото.

³И дојдоа кај Него со еден фатен, кого го носеа четворица;

⁴па, бидејќи не можеа да се прибли­жат до Него од народот, го открија и го пробија покривот од куќата, каде што беше Тој и ја спуштија постелката, на која лежеше фатениот.

⁵ⓚА Исус, кога ја виде нивната вера, му рече на фатениот: „Синко, ти се простуваат гревовите твои!“

⁶Таму седеа некои од книжниците и си помислија во срцата свои:

⁷ⓛ„Што хули Овој на Бога? Кој друг може да простува гревови, освен еди­ниот Бог?“

⁸ⓜИсус, веднаш штом дозна со Својот дух дека тие така мислат во себе, им ре­че: „Зошто го помислувате тоа во срцата свои?

⁹Што е полесно да му кажам на фатениот: ‚ти се простуваат гре­во­ви­те‘, или да речам: ‚дигни се, земи ја пос­телката своја и оди‘?

¹⁰ⓝНо за да знаете дека Синот Чо­веч­ки има власт на земјата да ги простува гревовите“ — му рече на фатениот —

¹¹„Тебе ти велам: стани, земи ја пос­телката своја и оди си дома!“

¹²ⓞИ тој стана веднаш, па, штом ја зеде постелката, се појави пред сите — така што сите се восхитуваа и Го славеа Бо­га, велејќи: „Никогаш вакво нешто не сме виделе!“

¹³ⓟИ излезе Исус пак покрај морето, и сиот народ доаѓаше кај Него, и Тој ги поучуваше.

¹⁴ⓠИ кога одеше, го виде Левиј Ал­фе­ев, кој седеше во царинарницата и му рече: „Врви по Мене!“ Тој стана и тргна по Него.

¹⁵ⓡⓢА кога седеше Исус на трпезата во неговата куќа, заедно со Него седеа и учениците Негови, и многу цариници и грешници; зашто тие беа мно­зи­на и врвеа по Него.

¹⁶Книжниците и фарисеите, штом Го видоа како јаде со цариници и грешници, им рекоа на учениците Не­го­ви: „Зошто Тој со цариници и грешници јаде и пие?“

¹⁷ⓣКога го чу тоа Исус, им рече: „Здравите немаат потреба од лекар, ту­ку болните. Не сум дошол да ги по­ви­кам праведниците, туку грешниците (на покајание).“

¹⁸ⓤУчениците на Јован и на фарисеите постеа. И приоѓаа некои, па Му велеа: „Зошто учениците Јованови и на фари­се­ите постат, а Твоите ученици не постат?“

¹⁹ⓥИсус им рече: „Зар можат свато­ви­те да постат кога младоженецот е со нив!? Додека е со нив младоженецот, тие не можат да постат;

²⁰но ќе дојдат дни, кога ќе им го одземат младоженецот и тогаш, во тие дни, и тие ќе постат.

²¹Никој не крпи стара облека со нова крпа; инаку, новозашиената крпа ќе се отшие од старото, и отворот ќе биде уште поголем.

²²ⓦНикој не става ново вино во стари мевови; инаку, новото вино ќе ги расце­пи мевовите и виното ќе истече, а ме­во­вите ќе се упропастат; туку ново вино треба да се става во нови мевови.“

²³ⓧИ Му се случи во саботен ден да ми­нува преку нивјето, и врвејќи, уче­ни­ците Негови почнаа да кинат класје.

²⁴ⓨА фарисеите Му рекоа: „Гледај, зошто го прават учениците во сабота тоа, што не треба да се прави?“

²⁵Но Тој им рече: „Зар никогаш не сте читале што направи Давид, кога ог­ладне тој и оние, што беа со него?

²⁶ⓩКако влезе во храмот Божји, во вре­мето на првосвештеникот Авијатар, ги изеде приставените лебови од жрт­ве­ни­кот, што не требаше да ги јаде никој друг освен свештениците, па им даде и на оние, што беа со него!“

²⁷ⓐПотоа продолжи: „Саботата е соз­да­дена за човекот, а не човекот за саботата.

²⁸ⓑПа така, Синот Човечки е господар и на саботата.“