Неемија 12:1-47 MKDB2006 - Bible AI

¹Еве ги свештениците и левитите, што дојдоа со Зоровавел, синот Салатиилов, и со Јешуа: Сераја, Еремија, Ездра.

²Амарија, Малух, Хатуш,

³Шеханија, Рехум, Меремот,

⁴Идо, Гинетој, Авија,

⁵Мијамин, Маадија, Билга,

⁶Шемаја, Јојарив, Једаја,

⁷Салу, Амок, Хелкија, Једаја. Тоа се началниците на свештениците и бра­ќата нивни во дните на Јешуа.

⁸А левитите: Јешуа, Бинуј, Мата­нија, главен при славословијата, тој и бра­ќата негови, Кадмиел, Шеревија, Јуда,

⁹ⓢи Бакбукија и Униј, нивни браќа, кои заедно со нив служеа.

¹⁰Јешуа го роди Јоаким, Јоаким го роди Елијашив, Елијашив го роди Јојада,

¹¹Јојада го роди Јонатан, Јонатан го роди Јадуа.

¹²Во дните на Јоаким старешини на свештенички семејства беа: од Сера­иевиот дом — Мераја, од Еремиевиот дом — Ананија,

¹³од домот на Ездра — Мешулам, од Амариевиот дом — Јоханан,

¹⁴од Мелихуевиот дом — Јонатан, од Шеваниевиот дом — Јосиф,

¹⁵од Харимовиот дом — Адна, од Мерајотовиот дом — Хелкај,

¹⁶од Идовиот дом — Захарија, до Гинетоновиот дом — Мешулам,

¹⁷од Авиевиот дом — Зихриј, од Минјаминовиот дом и од Моадиевиот дом — Пилтај,

¹⁸од Билгаовиот дом — Шамуа, од Шемаевиот дом — Јонатан,

¹⁹од Јојаривовиот дом — Матенај, од Једаевиот дом — Озиј,

²⁰од Салаевиот дом — Калај, од Амоковиот дом — Евер,

²¹од Хелкиевиот дом — Хашавија, од Једаевиот дом — Натанаил.

²²Што се однесува до левитите, старе­шините на нивните семејства беа запи­шани во списокот во дните на Ели­јашив, Јојада, Јоханан и Јадуа; и исто така и свештениците до царувањето на Дариј персиски.

²³Синовите Левиеви, племенски ста­решини, се запишани во летописот до дните на Јоханан, Елијашивовиот син.

²⁴Началници на левитите беа: Хаша­вија, Шеревија, и Јешуа, Кад­миеловиот син, и браќата нивни, при нив поставени за славословие при благодаренијата, според наредбата на Давид, Божји чо­век, смена по смена.

²⁵Матанија, Бакбукија, Авдија, Ме­шулам, Талмон, и Акув беа вратари, кои чуваа стража при вратните пра­гови.

²⁶Тоа беше во дните на Јоаким, синот на Јешуа, Јоседеков син, и во дните на Неемија и на свештеникот Ездра, кни­ж­ник.

²⁷ⓣКога требаше да се осветуваат еру­салимските ѕидови, ги повикаа левитите од сите места, и им запове­даа да дојдат во Ерусалим за да се изврши осветувањето и радосното празнување во сла­вословија и песни, при звукот на кимвали, псалтири и гусли.

²⁸Се собраа синовите на певците од Ерусалимскиот округ и од селата Нетофатски,

²⁹и од Бет-Гилгал, и од околината на Гева и Азмавет, зашто певците си беа изградиле села во околината на Еру­салим.

³⁰ⓤИ се очистија свештениците и левитите, го очистија и народот и портите и ѕидовите.

³¹Тогаш ги изведов на ѕидот јудеј­ските началници и поставив два големи хора певци, и едниот од нив одеше десно по ѕидот кон Гноишните Порти.

³²По нив одеше Хошаја и половината јудејски началници:

³³Азарија, Ездра, Мешулам,

³⁴Јуда, Венијамин, Шемаја и Еремија;

³⁵а од синовите свештенички со труби: Захарија, син на Јонатан, син на Шемаја, син на Матанија, син на Ми­хаја, син на Закур, Асафов син,

³⁶и браќата негови: Шамаја, Аза­риил, Милалај, Гилалај, Маај, Натанаил, Јуда и Ананија со свирките на Давид, Бож­јиот човек, и книжни­кот Ездра пред нив.

³⁷До Изворните Порти, спроти нив, тие излегоа по степеништата на Да­видовиот град, по скалите што водеа кон ѕидот над Давидовиот дом, до Водните Порти на исток.

³⁸Другиот хор врвеше наспроти нив, а по него јас и половината од на­родот, по ѕидот од Кулата кај печката до широкиот ѕид,

³⁹ⓥи од Ефремовите Порти, покрај Старите Порти и Рибните Порти и Хананеловата Кула, и кулата Меа, кон Овчите Порти, и застанавме при Затворските Порти.

⁴⁰Потоа и обата збора застанаа пред Божјиот дом, а и јас и половината началници со мене,

⁴¹и свештениците: Елијаким, Маа­сеја, Минјамин, Михаја, Елјоенај, Заха­рија и Ананија со трубите,

⁴²Маасеја, Шемаја, Елеазар, Озиј, Јоханан, Малкија, Елам и Езер. А пев­ците пееја високо; водач им беше Јиз­рахија.

⁴³Во тој ден се принесоа големи жрт­ви и се веселеа, зашто Бог им беше дал голема радост. Се радуваа и жените, и децата и веселбата ерусалимска се слушаше надалеку.

⁴⁴ⓦВо истиот ден беа поставени луѓе над одделите за приноси од првините и десетоците, за да ги собираат од нивите околу градовите, делови определени со законот за свештениците и левитите, зашто на Јудејците им беше драго да ги гледаат свештениците и левитите кои служеа,

⁴⁵ⓧи вршеа служба на својот Бог и работите околу очистувањето и беа певци и вратари, според наредбата на Давид и синот негов Соломон.

⁴⁶ⓨЗашто уште одамна, во дните на Давид и Асаф, беа установени главни певци, како и песни за Бога, пофални и благодарствени.

⁴⁷ⓩСите Израелци во дните на Зоро­вавел и во дните на Неемија им даваа делови на певците и на вратарите како храна за секој ден, и им ги даваа осветените приноси на левитите, а ле­витите им даваа на Ароновите синови.