Неемија 3:1-38 MKDB2006 - Bible AI

¹ⓤИ стана Елијашив, првосвештеникот, и браќата негови — свештени­ците, и ги изградија Овчите Порти: ги ставија вратите нивни и ги осветија и продолжија да ѕидаат од Кулата на Стотината до Кулата на Хананел.

²До нив градеа ерихонците, а вед­наш до нив ѕидаше Закур, син на Имриј.

³ⓥРибната Порта ја изградија жите­лите на Сенаа: тие ја покрија и ги ста­вија крилата нејзини, клучал­ниците нејзини и резињата нејзини.

⁴До нив Меремот, син на Урија и внук на Хакоц, го поправаше ѕидот; до нив Мешулам, син на Варахија, син Мешезавелов; до нив поправаше Садок, синот на Баана.

⁵До нив поправаа текојци; но некои од нив, повидните, не го свиткаа грбот за да поработат за својот Господ.

⁶ⓦСтарите порти ги поправаа Јојада, син на Пасеах, и Мешулам, син на Бесо­дија. Тие ги покрија и ги ставија врати­те нивни, клучалките нивни и резињата нивни.

⁷До нив поправаше Мелатија, Гавао­нец, и Јадон од Меронот, со жителите на Гаваон и на Мицпа, кои му беа пот­чинети на управителот на областа зад Реката.

⁸ⓧДо него поправаше Узиил, син на Хархаја, златар, а до него поправаше Ананија, син Харакахимов. Тие го обновија Ерусалим до Широкиот Ѕид.

⁹До нив поправаше Рефаја, син Оров, началник на половината од ерусалимскиот округ.

¹⁰До нив, токму наспроти куќата сво­ја, поправаше Једаја, син на Хару­маф, а до него поправаше Хатуш, син на Хашавнеја.

¹¹Другиот дел го поправаше Малкија, син на Харим, и Хашув, син на Па­хат-Моав; тие го поправаа ѕидот сѐ до Кулата на Печките.

¹²До нив поправаше Селум, син на Халохеш, началник на ерусалимскиот полуокруг, — тој и ќерките негови.

¹³Долинските Порти ги поправаше Анон, и жителите на Заноах: тие ги изградија и ги ставија вратите нивни, клучалките нивни и резињата нивни: тие уште поправаа и илјада лакти од ѕидот до Гноишните Порти.

¹⁴ⓨА Гноишните Порти ги поправаше Малкија, Рихавов син, началник на округот на Бет-Керем: тој ги изгради и ги стави вратите нивни, клучалките нивни и резињата нивни.

¹⁵ⓩИзворните Порти ги поправаше Шалун, син на Кол-Хозе, началник на округот Мицпа; тој ги изгради, ги покри и ги стави вратите нивни, клу­чалките нивни и резињата нивни; тој го поправаше и ѕидот кај базенот Сала, спроти царската градина, и кај скалите што слегуваа од Давидовиот град.

¹⁶ⓐПо него поправаше Неемија, син на Азбук, началник на половина од округот на Бет-Цур, до Давидовите гробници и до ископаното езеро и до куќата на храбрите.

¹⁷По нив поправаа левитите, рако­водени од Рехум, син на Ваниј; до него поправаше, за својот округ, Ха­шавија, началник на половина од округот на Кеила.

¹⁸По нив поправаа браќата нивни: Бинуј, Хенададов син, началник на половина од кеилскиот округ.

¹⁹А до него поправаше Езер, син на Јешуа, началник на Мицпа, на вториот дел, спроти излезот кон оружницата, на аголот.

²⁰По него ревносно поправаше Варух, син на Закај, на вториот дел, од аголот до куќната врата на Ели­јашив, прво­свештеникот.

²¹По него поправаше Меремот, син на Урија, син Хакоцов, на вториот дел, од куќната врата на Елијашив до крајот на Елијашивовата куќа.

²²Понатаму работеа свештениците од околината.

²³Понатаму работеа Венијамин и Ха­шув, спроти својата куќа; по нив по­праваше Азарија, син на Маасеја, Ана­ниев син, до куќата своја.

²⁴По него поправаше Бинуј, син на Хенадад, на вториот дел, од Азарие­вата куќа до аголот и свиокот.

²⁵Палал, синот на Узај, работеше спроти аголот и кулата, што се издига од горниот царски дом при затвор­скиот двор. По него Федаја, Парошов син.

²⁶ⓑА храмовите прислужници, што живееја во Офел, поправаа спроти Вод­ните Порти кон исток и до издадената кула.

²⁷По нив поправаа текојците, на другиот дел, на местото спроти големата издадена кула до Офел­скиот ѕид.

²⁸ⓒОд Коњските Порти понатаму поправаа свештениците, секој спроти својата куќа.

²⁹По нив поправаше Садок, синот на Имер, спроти својата куќа; понатаму работеше Шемаја, син на Шеханија, чувар на Источните Порти.

³⁰По него поправаше Ананија, Шеле­миев син, и Анон, шестиот син на Ца­лаф, на вториот дел. По нив поправаше Мешулам, Варахиев син, спроти собата своја.

³¹По него поправаше Малкија, Хацорфиев син, до куќата на храмо­вите прислужници и трговците, спроти Мифкадските Порти дури до стражар­ницата кај аголот на ѕидот.

³²ⓓА меѓу стражарницата и Овчите Порти поправаа златари и трговци.

³³Кога Санавалат слушна дека ги ѕидаме ѕидовите, се налути и додеваше многу и се подигруваше со Јудејците;

³⁴и зборуваше пред браќата свои и пред самарјанските воени луѓе, велејќи: „Што прават тие проклети Јудејци? Зар ќе им го дозволат тоа? Зар тие ќе принесат жртви? Зар ќе завршат некогаш? Зар ќе ги оживеат камењата од купиштата прав, и притоа изгорени?“

³⁵А до него Товија, Амонецот, рече: „Нека го ѕидаат; ќе мине лисицата и ќе ги срине камените ѕидови нивни.“

³⁶Чуј, Боже наш, на каков презир сме, и сврти го тоа нивно подигрување врз главите нивни, предај ги на презир во земја на пленство.

³⁷ⓔНе ги прикривај беззаконијата нив­ни, и гревот нивни да не биде избришан пред лицето Твое, бидејќи ги огорчија оние што ѕидаат.

³⁸Ние сепак го градевме ѕидот, и це­лиот ѕид високо беше поврзан до поло­вината негова. И на народот му беше при срце да работи.