Повторени закони 23:1-26 MKDB2006 - Bible AI

¹ⓐНикој не смее да ја земе жената на таткото свој и да го открива крајот од покривката таткова.

²ⓑОној што е скопен или е со исечен полов орган не може да влезе во општеството Господово:

³ниту син на блудница не може да се прими во Господовата заедница — ни тој, ни неговите потомци до десетто колено.

⁴ⓒАмонец и Моавец не смее да влегува во заедницата Господова; а нивните потомци да не се примаат во Гос­по­довата заедница и по десетото колено, довека,

⁵затоа што тие не ве пресретнаа со леб и вода по патот, кога бевте излегле од Египет, и затоа што го наговорија против тебе Валаам Беоровиот син, од Петор во Горни Арам, за да те проколне.

⁶Но Господ, твојот Бог, не сакаше да го чуе Валаам и ја сврте Господ, твојот Бог, клетвата негова во благослов за тебе, бидејќи Господ твојот Бог те засака;

⁷не пожелувај им ни мир, ни добрина преку сите твои денови довека.

⁸Не гнаси се од Едомец, бидејќи тој е твој брат; не гнаси се од Египќанин, зашто ти беше дојденец во земјата негова.

⁹ⓓПотомците нивни, родени во трето колено, можат да бидат примени во Господовата заедница.

¹⁰Кога одиш во бој против непријателите свои, пази се од сѐ што е лошо.

¹¹ⓔАко кај тебе има некој нечист поради ноќна случка, тој треба да излезе надвор од логорот и да не влегува во него;

¹²а вечерта да се измие со вода, и по зајдисонце нека влезе во логорот.

¹³Ти треба да имаш место надвор од логорот, каде што ќе одиш да ги извршуваш своите физиолошки потреби;

¹⁴покрај своето оружје, ти треба да имаш и лопатка; па кога ќе одиш таму надвор, ископај со неа јама и потоа покриј ја нечистотијата своја,

¹⁵ⓕбидејќи Господ, твојот Бог, престојува во логорот твој, за да те избавува и да ги предава непријателите твои во твои раце; затоа логорот твој треба да биде свет, за да не види Тој кај тебе нешто нечисто и да не се оттргне од тебе.

¹⁶ⓖНе предавај го робот на неговиот господар, кога ќе избега кај тебе од господарот негов;

¹⁷нека живее со тебе, меѓу вас во секое место, што ќе му биде угодно; не го притеснувај.

¹⁸ⓗБлудница од израелските ќерки да нема, и блудник да нема од синовите на Израел.

¹⁹ⓘВо домот на Господ, твојот Бог, не принесувај блудничка награда, за никаков завет, тоа е одвратност пред Господ, твојот Бог.

²⁰ⓙНе му давај на братот свој со лихва, ниту сребро, ниту храна, ниту нешто друго, што се дава во заем со лихва;

²¹на туѓинец давај му со лихва, а на братот свој не му давај со лихва; за да те благослови Господ, твојот Бог, во сите твои работи на земјата, во која одиш да ја наследиш.

²²ⓚАко Му дадеш завет на Господ, твојот Бог, бездруго исполни го, зашто Гос­под, твојот Бог, ќе го побара од тебе и врз тебе ќе падне грев;

²³ако, пак, не си ветил, нема да имаш грев.

²⁴Она што ќе излезе од устата твоја, запазувај го и исполнувај го, бидејќи со образ си Му ветил дар на Господ, твојот Бог, и доброволно си го кажал со устата своја.

²⁵„Кога ќе влезеш во лозјето на ближниот свој, грозје можеш да јадеш колку што душата ти сака, но во садот свој не клавај.

²⁶ⓛАко влезеш во нивата на ближниот свој, скини класја во рацете свои, но со срп да не жниеш.“