Повторени закони 28:1-69 MKDB2006 - Bible AI

¹ⓨАко го слушаш гласот на Господ, твојот Бог, ги пазиш и ги извршуваш сите Негови заповеди, што денес ти ги заповедам, тогаш Господ, твојот Бог, ќе те постави погоре од сите народи на земјава;

²и ќе се пренесат на тебе сите овие благослови и ќе се исполнат, ако го слушаш гласот на Господ, твојот Бог.

³ⓩБлагословен ќе бидеш во градот и благословен во полето.

⁴ⓐБлагословен ќе биде плодот на твојата утроба, и плодот на земјата твоја, и плодот на добитокот твој, и плодот на воловите твои, и плодот на овците твои.

⁵Благословени ќе бидат кошниците твои и ноќвите твои.

⁶Благословен ќе бидеш, кога влегуваш, и благословен — кога излегуваш.

⁷Господ ќе ги порази пред тебе непријателите твои, кои се креваат против тебе; по еден пат ќе навлезат тие против тебе, а по седум патишта ќе избегаат од пред тебе.

⁸Господ ќе ти испрати благослови на твоите житници и на секоја работа на твоите раце; и на земјата, која Господ, твојот Бог, ти ја дава.

⁹ⓑГоспод, ќе те постави за Свој свет народ, како што ти се беше заколнал на тебе, ако ги извршуваш заповедите на Господ, твојот Бог, и одиш по патиш­тата Негови.

¹⁰ⓒИ тогаш ќе видат сите народи на земјата дека името на Господ, ти е дадено на тебе, и ќе се уплашат од тебе.

¹¹И Господ, ќе ти даде изобилство во сите блага, во плодот на твојата утроба, во плодот на добитокот твој и во плодот на нивите твои на земјата, за која Господ им се беше заколнал на твоите предци дека ќе ти ја даде.

¹²И Господ ќе ти го отвори доброто Свое сокровиште — небото, за да дава тоа на време дожд на земјата твоја и да ги благословува сите работи на рацете твои: и ќе им даваш на заем на многу народи, а ти самиот нема да земаш на заем.

¹³Господ, ќе те направи глава, а не опашка, и да бидеш само на високо, а не на ниско, ако ги пазиш заповедите на Господ, твојот Бог, што ти ги заповедам денес да ги почитуваш и исполнуваш,

¹⁴и ако не отстапуваш од сите збо­рови, што ти ги заповедам денес, ни надесно, ни налево, и ако не тргнеш по други богови за да им служиш.

¹⁵ⓓАко, пак, не го слушаш гласот на Господ, твојот Бог, и не ги пазиш и не ги исполнуваш сите Негови заповеди и наредби, што ти ги заповедам денес, ќе паднат врз тебе и ќе се збиднат сите овие проклетства.

¹⁶ⓔПроклет ќе бидеш во градот и проклет ќе бидеш во полето.

¹⁷Проклети ќе бидат твоите кошници и твоите ноќви.

¹⁸Проклет ќе биде плодот на утробата твоја и плодот на земјата твоја, плодот на говедата твои и плодот на овците твои.

¹⁹Проклет ќе бидеш, кога влегуваш, и проклет кога излегуваш.

²⁰Ќе ти испрати тогаш Господ неволја, ужас и застрашување во секоја работа на рацете твои, каква и да вршиш, додека не те истреби и додека наскоро не те погуби поради твоите лоши дела, зашто си Ме оставил.

²¹Господ ќе испрати тогаш врз тебе и помор, додека не те истреби од земјата, во која одиш да ја наследиш.

²²ⓕЌе те порази Господ со истош­ту­вање, со треска, воспаление, жед и жол­тица, и тие ќе те гонат додека не заги­неш.

²³И небото над главата твоја ќе стане бакар, а земјата под тебе — железо;

²⁴наместо дожд Господ ќе ѝ даде на земјата твоја пепел, и прав од небото ќе паѓа: ќе паѓа врз тебе, додека не те истреби.

²⁵ⓖЌе те предаде Господ на непријателите твои, за да те поразат; по еден пат ќе излезеш против нив, а по седум патишта ќе бегаш од нив; и ќе бидеш расеан по сите земни царства.

²⁶Твоите трупови ќе станат храна на сите птици небески и на ѕверовите, и не ќе има кој да ги истера.

²⁷ⓗЌе те порази Господ со египетска лепра, гноен чир, краста и јадеж, од кои не ќе можеш да се исцелиш.

²⁸ⓘЌе те порази Господ со лудило, сле­пило и вртоглавица.

²⁹И ќе одиш дење со пипање, како што оди слепиот со пипање во темнината, и патот твој нема да биде прав, и тогаш ќе бидеш секогаш навредуван и ограбуван, и не ќе има кој да ти по­могне.

³⁰ⓙЌе земеш жена, и друг ќе спие со неа; куќа ќе изградиш, и нема да жи­вееш во неа; лозје ќе насадиш и нема да го береш.

³¹Твојот вол пред тебе ќе го заколат, и нема да јадеш од него, магарето ќе ти го грабнат, и нема да ти го вратат; овците твои ќе бидат дадени на непријателите твои и ќе нема кој да ти помогне.

³²Синовите твои и ќерките твои ќе бидат предадени на друг народ; очите твои ќе гледаат и ќе чезнеат по нив, и нема да имаш сила во рацете свои.

³³ⓚПлодовите на земјата твоја и целиот труд твој ќе го јаде народ, кого ти не го познаваш: и ќе бидеш навредуван и измачуван преку сите денови.

³⁴Ќе бидеш избезумен од тоа, што ќе го гледаат очите твои.

³⁵ⓛИ ќе те порази Господ со лоша проказа, во колената и во нозете, од која не ќе можеш да се излекуваш, од стапалата на нозете твои и дури до темето на главата твоја.

³⁶Господ ќе те одведе тебе и царот твој, кој си го избрал, кај народ, кого не си го познавал ниту ти, ниту предците твои, и таму ќе служиш на други богови, направени од дрво и од камен;

³⁷ⓜи ќе станеш таму предмет на озборување и исмејување кај сите народи, кај кои Господ ќе те одведе.

³⁸ⓝМногу семе ќе фрлаш во нивата, а малку ќе собираш, зашто ќе го јадат скакулци.

³⁹Лозја ќе садиш и ќе ги работиш, но вино нема да пиеш и нема да го береш плодот негов, зашто црв ќе го јаде.

⁴⁰Маслини ќе имаш во сите твои предели, но со масло нема да се помажеш, бидејќи маслинките твои ќе опаѓаат.

⁴¹Синови и ќерки ќе родиш, но тие нема да останат кај тебе, зашто во плен ќе отидат.

⁴²Сите твои дрвја и сите плодови на земјата твоја гламја ќе ги уништи.

⁴³Дојденецот, кој е кај тебе, ќе се издига над тебе сѐ повисоко, а ти ќе паѓаш сѐ пониско;

⁴⁴ⓞтој ќе ти дава на заем, а ти нема да му даваш на заем; тој ќе биде главата, а ти ќе бидеш опашката.

⁴⁵Ќе дојдат врз тебе сите овие клетви, ќе те гонат и ќе те стигнат, додека не те уништат, затоа што не го послуша гласот на Господ, твојот Бог, и не ги послуша заповедите и наредбите Него­ви, што ти ги беше заповедал;

⁴⁶тие ќе бидат врз тебе и твоето потомство знак и чудо[3] довека.

⁴⁷Зашто ти не Му служеше на Господ, твојот Бог, со весело и радосно срце, поради изобилството во сѐ,

⁴⁸ти ќе му служиш на непријателот свој, што ќе ти го испрати Господ, во глад и жед, во голотија и во секаква скудност; тој ќе ти става на вратот железен јарем, додека не те уништи.

⁴⁹ⓟЌе испрати Господ против тебе на­род оддалеку, од крајот на земјата; како орел ќе се спушти народот чиј јазик ти не го разбираш,

⁵⁰народ бездушен, кој не сака ни ста­ро да почитува, ниту младо да помилува,

⁵¹и ќе го јаде тој плодот од добитокот твој и плодот од земјата твоја; нема да ти остави ни жито, ни вино, ни масло, ниту од говедата твои, ниту од овците твои, додека не те погуби;

⁵²и ќе те притеснува во сите твои градови, додека не ги разруши во твојата земја твоите високи и јаки ѕидови, на кои ти се надеваш; и ќе ти нанесе зло во сите твои градови во целата твоја земја, која Господ, твојот Бог, ти ја даде.

⁵³ⓠИ ти ќе го јадеш плодот на утробата своја, плотта на синовите и ќерките свои, кои Господ, твојот Бог, ти ги даде, поради опсадата и теснотијата, во која ќе те стави непријателот твој.

⁵⁴Мекушавиот маж навикнат да жи­вее во раскош, со безмилосно око ќе гледа на братот свој, на саканата жена и на другите деца свои што ќе му оста­нат,

⁵⁵и нема да му даде на ниеден од нив плот од децата свои, кои тој ќе ги јаде, зашто нема да му остане ништо друго поради опсадата и притеснетоста, во кои ќе те постават непријателите твои во сите твои градови.

⁵⁶ⓡЖена најчувствителна и најнежна меѓу вас, која поради својата нежност никогаш со нога не стапнала на земја, со безмилосно око ќе гледа на саканиот маж свој, на синот свој, на ќерката своја,

⁵⁷и нема да им го даде последокот, што излегува меѓу бедрата нејзини, ни децата, што би ги родила; зашто, при скудноста во сѐ, таа ќе ги јаде тајно, во притеснетоста во која ќе те стави непријателот твој во твоите градови.

⁵⁸Ако не ги пазиш и исполнуваш сите зборови од законот, напишани во оваа книга, и не се плашиш од славното и страшно име на Господ, твојот Бог,

⁵⁹ⓢГоспод ќе те порази тебе и твоето потомство со необични порази, со порази големи и трајни, и со болести лоши и неизлечиви;

⁶⁰и ќе ги навлече врз тебе сите лоши болести египетски, од кои се плашеше, и тие ќе се залепат за тебе;

⁶¹и секаква болест и секаква проказа, во книгата на овој закон, Господ ќе испрати врз тебе, додека не те истреби;

⁶²ⓣи ќе останете на број малкумина, а не како кога бевте многубројни колку и ѕвездите небески, бидејќи не го слушавте гласот на Господ, вашиот Бог.

⁶³И како што Господ се радуваше, кога ви правеше добро и ве размножу­ваше, така ќе се радува Господ, кога ќе ве погубува и истребува, и ќе бидете изгонети од земјата, во која одиш ти, за да ја наследиш.

⁶⁴ⓤИ ќе те расее Господ, по сите народи, од крајот на земјата до крајот на земјата, и таму ќе им служиш на други богови, што не си ги знаел, ниту ти, ниту предците твои; на дрво и на камен ќе служиш.

⁶⁵Но и меѓу тие народи нема да се успокоиш, ниту ќе има место за одмор на нозете твои; и таму Господ ќе го исплаши срцето твое, ќе го ништи видот на очите твои и ќе направи да страда душата твоја;

⁶⁶ⓥживотот твој ќе виси пред тебе, и ќе се плашиш и дење и ноќе, и нема да бидеш сигурен за животот свој;

⁶⁷ⓦод стравот во срцето свое ќе се плашиш, и од тоа што ќе го видат очите твои, па наутро ќе кажеш: „О, што поскоро да се стемни!“, а навечер ќе велиш: „О, што поскоро да осамне!“

⁶⁸ⓧИ Господ ќе те врати во Египет на кораби по оној пат, за кој ти кажав: „Ти нема повеќе да го видиш“; и таму ќе бидете продавани на непријателите свои како робови и робинки, но ќе нема кој да ве купи.

⁶⁹ⓨТоа се зборовите на заветот, што Господ му заповеда на Мојсеј да го склучи со синовите на Израел во моав­ската земја, покрај заветот што Господ го склучи со нив на Хорив.