Повторени закони 29:1-28 MKDB2006 - Bible AI

¹Тогаш Мојсеј ги повика сите синови израелски и им кажа: „Вие видовте сѐ, што направи Господ пред очите ваши во египетската земја со фараонот и со сите негови слуги и со целата негова земја;

²ⓩимаше искушенија големи, што ги видоа очите твои, и големи знаменија и чуда,

³ⓐно и до ден денес Господ не ви даде срце за да разберете, очи да видите и уши да чуете.

⁴ⓑЧетириесет години ве водев по пустината, и облеката не изветве на вас, и обувките не се искинаа на нозете ва­ши;

⁵леб не јадевте, вино и друг алкохолен пијалак не пиевте, за да познаете дека Јас сум Господ, вашиот Бог.

⁶ⓒИ кога дојдовте до ова место, излезе во борба против вас хешбонскиот цар Сихон и башанскиот цар Ог, но ние ги поразивме

⁷и им ја зедовме земјата нивна и им ја дадовме во дел на Рувимовото и Гадо­вото колено, и на половината од Мана­сиевото племе.

⁸ⓓПазете ги зборовите на овој завет и исполнувајте ги, за да имате успех во сѐ, што правите.

⁹Сите вие стоите денес пред Господ, вашиот Бог: началниците на племињата ваши, старешините ваши, надзорниците ваши, сите Израелци,

¹⁰децата ваши, жените ваши и дојденците, кои се во вашата населба, од дрварот ваш до водоносецот ваш,

¹¹за да влезете во завет со Господ, вашиот Бог, и во клетвен договор со Него, каков што Господ, твојот Бог, денес склучува со тебе,

¹²ⓔза да те направи денес Свој народ, и да ти биде Бог, како што им се заколна на предците твои Авраам, Исак и Јаков.

¹³Не само со вас единствено го заветувам овој завет и овој клетвен договор,

¹⁴туку, како со оние што денес се со нас, така и со оние што денес не стојат овде со нас пред Господ, нашиот Бог.

¹⁵Зашто вие знаете, како живеевме во египетската земја и како одевме сред народите, низ кои минавте,

¹⁶ⓕи ги видовте одвратностите нивни и идолите нивни, дрвени и камени, среб­рени и златни, што се кај нив.

¹⁷ⓖДа нема меѓу вас маж или жена, род или племе, чие срце би се отстранило од Господ, вашиот Бог, та да оди да им служи на боговите на оние народи; да нема меѓу вас корен, што ќе дава пелин и отров;

¹⁸и ако некој, кој, откако ќе ги чуе зборовите на оваа клетва, се пофали во срцето свое и каже: ‚добро ќе ми биде, иако одам по желбите на срцето свое‘, и ако завлече со себе и други во идоло­поклонство,

¹⁹ⓗна таков Господ нема да му прости, но гневот и ревноста на Господ ќе се разгорат веднаш против тој човек, а врз него ќе падне целата клетва од овој завет, напишана во оваа книга, и Господ ќе го избрише името негово под небото;

²⁰и ќе го оддели Господ од сите пле­миња израелски за погубување, според сите клетви на заветот, напишани во оваа книга на законот.

²¹Тогаш подоцнежното поколение, децата ваши што ќе настанат по вас, и туѓинецот, што ќе дојде од далечна зем­ја, откако ќе ги видат поразиите на таа земја и болестите што Господ ги ис­пратил врз неа, ќе речат:

²²ⓘсулфур, сол и пожариште е целата земја; на неа не може да се сее, ниту ќе роди, ниту ќе никне на неа некаква трева, како што стана во Содом, Го­мора, Адма и Цевоим, кои Господ ги уништи во гневот Свој и јароста Своја.

²³Тогаш ќе кажат сите народи: ‚Зош­то Господ постапил така со таа земја? Колку е голема јароста на гневот Негов!‘

²⁴И ќе одговорат: ‚Затоа што го ос­тавија заветот на Господ, Бог на предците свои, што го воспостави со нив, кога ги изведе од египетската земја,

²⁵ⓙи отидоа да им служат на други богови и да им се поклонуваат ним, кои тие не ги знаеја, и кои Тој не им ги беше определил.

²⁶Поради тоа се разгори гневот на Господ врз таа земја, и Тој ги испрати врз неа сите клетви, напишани во оваа книга;

²⁷и ги сотре Господ од земјата нивна во гнев, јарост и голема лутина, и ги исфрли на друга земја, како што денес гледаме.‘

²⁸Она што е тајно, Му припаѓа на Господ, нашиот Бог, а она што е јавно — нам и на синовите наши довека, за да ги извршуваме сите зборови на овој закон.“