Псалми 108:1-13 MKDB2006 - Bible AI

¹Подготвено е срцето мое, Боже; ќе пеам и ќе воспевам. Разбуди се душо моја!

²ⓨРазбудете се, харфо и лиро! Ќе ја разбудам зората.

³Ќе Те славам, Господи, меѓу народите; ќе Те воспевам меѓу племињата,

⁴ⓩзашто повисока од небото е Тво­јата милост, и до облаците достига Твојата верност.

⁵ⓐИздигни се над небесата Боже, и славата Твоја нека биде по целата Земја,

⁶за да се избават Твоите возљубени; спаси ме со Твојата десница и услиши ме.

⁷ⓑБог рече во своето светилиште: „Ќе се вознесам и ќе го разделам Сихем и ќе ја измерам долината Сукот;

⁸Мој е Галаад, Мој е Манасија, Еф­рем е шлем на главата Моја, Јуда е Мој скиптар;

⁹Моав Ми е леген за миење, врз Едом ќе ја фрлам обувката Своја, над Филис­тејците ќе славам победа.“

¹⁰ⓒКој ќе ме доведе до укрепениот град? Кој ќе ме доведе до Едом?

¹¹Зар не си Ти, Боже, Кој нѐ отфрли и не излегуваш, Боже, со нашите војски?

¹²ⓓДај ни помош против непријате­лите, зашто човечката заштита е суетна.

¹³ⓔВо Бога ќе имаме сила; Тој ќе ги прегази непријателите наши.