Псалми 119:1-176 MKDB2006 - Bible AI

¹ⓚБлажени се непорочните во патот нивни, зашто одат според законот Господов.

²ⓛБлажени се оние кои ги пазат све­доштвата Негови и од сѐ срце Го ба­раат,

³оние кои не вршат беззаконие, туку одат по Неговите патишта.

⁴Ти заповеда грижливо да се пазат Твоите заповеди.

⁵ⓜО, да се управат моите патишта за да ги чувам Твоите заповеди!

⁶Тогаш нема да се засрамам, гле­дајќи ги сите Твои заповеди.

⁷ⓝЌе Те славам Господи со чисто срце, кога ќе ги научам Твоите праведни су­дови.

⁸Ќе ги пазам Твоите заповеди; не оставај ме сосема.

⁹ⓞКако момчето ќе го запази во чистота патот свој? — Ако ги пази зборовите Твои!

¹⁰Со сето срце мое Те барам, не доз­волувај да застранам од Твоите заповеди.

¹¹ⓟГи сокрив во срцето свое запо­ведите Твои, за да не грешам пред Тебе.

¹²ⓠБлагословен си Ти, Господи! Научи ме на Твоите повелби.

¹³ⓡСо устата своја ги разгласив сите уредби од устата Твоја.

¹⁴По патот на Твоите сведоштва се насладувам како во секое богатство.

¹⁵Ќе размислам за Твоите заповеди и ќе ги управувам очите мои на патот Твој.

¹⁶ⓢОд повелбите Твои ќе се поучу­вам, нема да ги заборавам Твоите зборови.

¹⁷Покажи милост кон Твојот слуга, и ќе живеам и ќе ги пазам Твоите зборо­ви.

¹⁸Отвори ги очите мои, и ќе ги раз­берам чудесата од Твојот закон.

¹⁹ⓣПридојден сум на земјава, не сокривај ги од мене Твоите заповеди.

²⁰И копнее душата моја во секое време да ги сака Твоите уредби.

²¹ⓤТи ги укоруваш горделивите; про­к­лети да се оние, кои се отклонуваат од Твоите заповеди.

²²Отстрани го од мене прекорот и презирот, зашто ги пазев Твоите прописи.

²³Кнезовите седат и ме клеветат, а Твојот слуга размислува за Твоите повелби.

²⁴Сведоштвата, пак, Твои се поука моја, а наредбите Твои — советници.

²⁵ⓥДушата моја лежи во прав: оживи ме според зборот Твој.

²⁶Патиштата мои Ти ги кажав, и Ти ме чу; научи ме на Твоите повелби.

²⁷ⓦВразуми ме да го разберам патот на Твоите повелби и јас ќе размислувам за Твоите чудеса.

²⁸Душата моја засолзи од тага, за­цврсти ме со зборовите Твои.

²⁹Отстрани го од мене патот на лагата и научи ме на законот Твој.

³⁰Го избрав патот на вистината, и не ги заборавив Твоите судови.

³¹ⓧСе приврзав за сведоштвата Твои, Господи: не ме посрамувај.

³²ⓨЌе брзам по патот на Твоите запо­веди, кога ќе го прошириш моето раз­бирање.

³³ⓩПокажи ми го, Господи, патот на Твоите наредби и ќе се придржувам за нив до крај.

³⁴ⓐПоучи ме, и ќе се држам за законот Твој и ќе го пазам со сето срце свое.

³⁵Упати ме на патеката на Твоите заповеди, зашто многу ја засакав.

³⁶ⓑПриклони го срцето мое кон Твои­те сведоштва, а не кон лакомства.

³⁷Сврти ги очите мои за да не гледам суета: оживи ме на Својот пат.

³⁸Во слугата Свој внеси збор Свој за да се бои од Тебе.

³⁹Отстрани го од мене прекорот, од кој се плашам, зашто Твоите уредби се прекрасни.

⁴⁰Ете, јас копнеам по Твоите правила: Оживеј ме според Својата праведност.

⁴¹И нека милоста Твоја, Господи, пријде на мене, и спасението од Тебе според зборовите Твои, —

⁴²ⓒи јас ќе им одговорам на оние што ме навредуваат, зашто верувам во збо­ровите Твои.

⁴³Не одземај го сосема од устата моја словото на вистината, зашто јас се надевам на Твоите уредби.

⁴⁴ⓓИ ќе го чувам Твојот закон засекогаш и во векови.

⁴⁵ⓔЌе одам слободно, зашто ги барам Твоите заповеди.

⁴⁶И ќе зборувам за сведоштвата Твои пред царевите, и нема да се посрамам;

⁴⁷им се насладувам на Твоите заповеди, кои многу ги засакав;

⁴⁸ⓕќе ги протегнам рацете свои кон Твоите заповеди, кои ги возљубив, и ќе размислувам за Твоите наредби.

⁴⁹ⓖСпомни си за словото Твое кон Тво­јот слуга, со кое си му дал надеж.

⁵⁰ⓗТоа ме утешува во неволјата моја, зашто Твоето слово ме оживува.

⁵¹Горделивите жестоко ме напа­ѓаат, но јас не се отстранив од Твоите закони.

⁵²Кога си спомнувам за Твоите уредби од старина, Господи, се утешувам.

⁵³Лутина ме обзема од нечестивите што го напуштаат Твојот закон.

⁵⁴ⓘПовелбите Твои ми беа песна кога патував во некое место.

⁵⁵ⓙНоќе го споменувам името Твое, Господи, и го пазам законот Твој.

⁵⁶ⓚТој стана мој, зашто ги пазам Твои­те правила.

⁵⁷ⓛДел мој си Ти, Господи, — си реков — ќе го пазам законот Твој.

⁵⁸Му се помолив на лицето Твое од сѐ срце: помилуј ме, според словото Твое.

⁵⁹Размислувам за Твоите патишта и ги свртувам нозете мои кон Твоите уредби.

⁶⁰Брзам и не се колебам да ги запазам Твоите заповеди.

⁶¹Замки од нечестиви ме опкру­жија, но јас не го заборавив Твојот закон.

⁶²ⓜНа полноќ станувам да Те вели­чам поради Твоите праведни уредби.

⁶³Јас сум меѓу оние што се бојат од Тебе и кои ги пазат Твоите правила.

⁶⁴ⓝСо Твојата милост, Господи, Зем­јата е полна; научи ме на Твоите повелби.

⁶⁵Добрини си му направил, Госпо­ди, на Твојот слуга според Твоето слово.

⁶⁶Научи ме на добро и на разумно, зашто верувам во Твоите заповеди.

⁶⁷ⓞПред моето страдање бев застра­нил, а сега го пазам Твојот збор.

⁶⁸ⓟТи си добар, Господи, и поради доб­рината Твоја научи ме на Твоите повелби.

⁶⁹Се зголеми неправдата од гордите врз мене, но јас од сѐ срце ги пазам Тво­ите правила.

⁷⁰ⓠСрцето им е бездушно како сало, но јас уживам со Твојот закон.

⁷¹Добро ми е што бев понижен, за да се научам на Твоите повелби.

⁷²ⓡЗаконот на Твојата уста за мене е подобар отколку илјадници златници и сребреници.

⁷³ⓢТвоите раце ме создадоа и изградија: вразуми ме, и ќе се научам на Твоите заповеди.

⁷⁴ⓣОние, кои се бојат од Тебе, кога ќе ме видат ќе се зарадуваат, затоа што се надевав во Твоите зборови.

⁷⁵Знам, Господи дека Твоите судови се праведни, и според справедливоста Твоја Ти ме казни.

⁷⁶Па нека ми биде милоста Твоја утеха, според Твоето слово кон Твојот слуга.

⁷⁷Нека пријде на мене Твојата штед­рост, и јас ќе живеам, зашто законот Твој е утеха моја.

⁷⁸Нека се посрамат горделивите, за­што неправедно и без вина ме обвинуваат; а јас ќе размислувам за Тво­ите правила.

⁷⁹Нека ми се приклонат оние што се плашат од Тебе, за да ги научат Твоите уредби.

⁸⁰Нека биде срцето мое непорочно во Твоите повелби, та да не се посрамам.

⁸¹Копнее душата моја за Твоето спа­сение; јас се надевам во Твоите зборови.

⁸²ⓤОчите мои попуштија од желба за Твоето слово, велејќи: кога ќе ме утешиш?

⁸³ⓥЗашто станав како мев во дим, но Твоите повелби не ги заборавив.

⁸⁴ⓦКолку долго ќе чека Твојот слуга? Кога ќе извршиш суд над моите гони­тели?

⁸⁵ⓧГорделивите ми ископаа јама; тие го кршат Твојот закон.

⁸⁶ⓨСите Твои заповеди се вистина. Не­праведно ме гонат: помогни ми!

⁸⁷За малку ќе ме убиеја на земјата, но јас не ги оставив Твоите заповеди.

⁸⁸Според Твојата милост зачувај ми го животот, и јас ќе ги пазам сведош­твата од Твојата уста.

⁸⁹ⓩТи постоиш вечно, Господи; Твоето слово засекогаш е утврдено на небото;

⁹⁰ⓐТвојата верност е од род во род. Ти си ја поставил Земјата, и таа стои.

⁹¹Според Твоја волја постојат денес; сѐ што постои, Тебе ти служи.

⁹²Да не беше Твојот закон утеха за мене, јас ќе загинев во неволјата своја.

⁹³Никогаш нема да ги заборавам Твоите правила, зашто преку нив ме оживуваш.

⁹⁴ⓑТвој сум јас, спаси ме, зашто ги ба­рав Твоите правила.

⁹⁵Нечестивите демнат за да ме убијат, но јас пазам на уредбите Твои.

⁹⁶Го видов крајот на секое совршен­ство, но Твоите заповеди се безграни­ч­ни.

⁹⁷ⓒКолку го засакав, Господи, Твојот закон; секој ден се поучувам од него.

⁹⁸ⓓСо Твојата заповед ме направи по­мудар од непријателите мои, зашто таа е секогаш со мене.

⁹⁹Станав поразумен од сите учи­тели мои, зашто сведоштвата Твои се моја поука.

¹⁰⁰ⓔПоумен станав од старите, зашто ги пазам Твоите заповеди.

¹⁰¹Ги задржувам нозете свои од се­каков лош пат, за да го пазам словото Твое.

¹⁰²Од твоите уредби нема да се от­кажам, зашто Ти ме поучи.

¹⁰³ⓕКолку се слатки за грлото мое збо­ровите Твои, послатки се од мед во устата моја.

¹⁰⁴Преку твоите заповеди станав раз­умен; затоа го замразив секој лажен пат.

¹⁰⁵ⓖТвоето слово е светилник на нозе­те мои и светлина за патеката моја.

¹⁰⁶Се заколнав и реков дека ќе ги пазам Твоите праведни судови, и ќе ги исполнувам.

¹⁰⁷ⓗМногу сум нажален, оживи ме, Господи, поради Твоето слово.

¹⁰⁸ⓘПрими ги моите благодарници, Господи, и научи ме на Твоите уредби.

¹⁰⁹Животот ми е постојано во опасност, но Твојот закон не го заборавив.

¹¹⁰Нечестивите ми поставија замка, но јас не се отстранив од Твоите заповеди.

¹¹¹ⓙТвоите уредби ми се вечно наследство, тие се голема радост за срцето мое.

¹¹²Го натерав срцето свое да ги извршува повелбите Твои, секогаш и до крај.

¹¹³Оние со дволично срце ги замра­зив, но Твојот закон го сакам.

¹¹⁴ⓚТи си ми заштита и штит: во Твое­то слово се надевам.

¹¹⁵ⓛИставете се од мене злосторници, за да ги запазам заповедите на мојот Бог.

¹¹⁶Поддржи ме според Твоето сло­во, и јас ќе живеам; не посрамувај ме во надежта моја;

¹¹⁷помогни ми, и ќе се спасам: и Твои­те повелби постојано ќе ги пазам.

¹¹⁸Ти ги презираш оние, кои отстапуваат од Твоите повелби, зашто нивните мисли се неправедни.

¹¹⁹ⓜСите грешници земни ги сметаш за 'рѓа, затоа засекогаш ги засакав Твоите уредби.

¹²⁰ⓝОд страв пред Тебе трепери телото мое, и од Твоите судови се плашам.

¹²¹Го правев она што е право и пра­ведно; не предавај ме на моите угнетувачи.

¹²²Заложи се за доброто на Својот слуга, та да не ме сотрат горделивите.

¹²³Очите ми копнеат, очекувајќи го спасението од Тебе, и словото на Тво­јата правда.

¹²⁴Постапи со Твојот слуга според милоста Своја и научи ме на Твоите по­велби.

¹²⁵ⓞСлуга Твој сум јас: вразуми ме и ќе ги познаам уредбите Твои.

¹²⁶ⓟВреме е, Господи, да се дејствува: Твојот закон го осквернија.

¹²⁷Затоа ги засакав заповедите Твои и од топаз и од злато повеќе.

¹²⁸Затоа се управував според сите Твои заповеди и лажниот пат го замразив.

¹²⁹Прекрасни се Твоите сведоштва: затоа душата моја ги запазува.

¹³⁰ⓠОбјавувањето на Твоите зборови просветува и скромните ги вразумува.

¹³¹Со отворена уста копнеам, зашто жеден сум за Твоите заповеди.

¹³²ⓡПогледај кон мене и помилуј ме, како што постапуваш со оние, кои го сакаат Твоето име.

¹³³Управувај ги стапките мои според Твоето слово и не допуштај со мене да овладее никакво беззаконие.

¹³⁴ⓢИзбави ме од човечко насилство за да ги пазам Твоите заповеди,

¹³⁵ⓣозари го Твојот слуга со светлината на лицето Твое, и научи ме на Твои­те заповеди.

¹³⁶ⓤОд очите мои потоци солзи течат, зашто не го пазат Твојот закон.

¹³⁷ⓥПраведен си Ти, Господи, и пра­ведни се Твоите пресуди.

¹³⁸Твоите сведоштва, што си ги дал, се засновани на правда и целосна вистина.

¹³⁹ⓦРевноста моја ме јаде, зашто не­пријателите мои ги заборавија Твоите слова.

¹⁴⁰ⓧТвоето слово е темелно испитано, и Твојот слуга го сака.

¹⁴¹Мал сум и презрен, но Твоите пра­вила не ги заборавив.

¹⁴²Твојата праведност е вечна пра­ведност, и Твојот закон е вистина.

¹⁴³Скрб и мака ме обзедоа; Твоите заповеди се моето уживање.

¹⁴⁴Твоите уредби се праведни довека; вразуми ме, и ќе живеам.

¹⁴⁵Те повикувам со сето срце мое, услиши ме, Господи, — и ќе ги пазам по­велбите Твои.

¹⁴⁶Тебе Те повикувам: спаси ме, за да ги пазам Твоите уредби.

¹⁴⁷ⓨЈа испреварувам зората и викам; на Твоето слово се надевам.

¹⁴⁸ⓩОчите мои се отвораат пред утринската стража, за да се поучам на Твоите слова.

¹⁴⁹Чуј го мојот глас, според милоста Своја, Господи; според Твојата правда, зачувај ме во живот.

¹⁵⁰Се приближија оние што ме прогонуваат со зла намера; од законот Твој тие се оддалечија.

¹⁵¹ⓐНо Ти си близок, Господи, и сите Твои заповеди се вистина.

¹⁵²ⓑОдамна знам за Твоите уредби, за­што си ги утврдил засекогаш.

¹⁵³Погледај на мојата потиштеност и избави ме, зашто не го заборавив Твојот закон.

¹⁵⁴ⓒПресуди според мојата правда и искупи ме; заради словото Твое оживеј ме.

¹⁵⁵Далеку е спасението од нечести­вите, зашто тие не ги бараат Твоите повелби.

¹⁵⁶ⓓГолема е Твојата милост, Госпо­ди, според Твојата правда оживи ме.

¹⁵⁷Многумина ме гонеа и мачеа, но од Твоите уредби јас не отстапив.

¹⁵⁸ⓔГи гледам неверниците и се гнасам, зашто словата Твои не ги пазат.

¹⁵⁹Погледни како ги сакам запо­ведите Твои, запази ми го животот, Гос­поди, поради Твојата милост.

¹⁶⁰ⓕВистината е основа на Твоите слова; и секоја Твоја праведна одредба трае вечно.

¹⁶¹Кнезовите ме гонат без вина, но срцето мое се плаши само од Твоите зборови.

¹⁶²ⓖСе радувам на Твоето слово, како оној кој нашол големо благо.

¹⁶³Ја замразив неправдата и се гнасам од неа; а Твојот закон го сакам.

¹⁶⁴Седумпати на ден Те прославувам за Твоите праведни одредби.

¹⁶⁵ⓗГолем е мирот кај оние, кои го са­каат Твојот закон, и за нив нема соблазна.

¹⁶⁶Го чекам спасението од Тебе, Гос­поди, и Твоите заповеди ги извршувам.

¹⁶⁷Душата моја ги пази Твоите уредби, и јас многу ги засакав.

¹⁶⁸ⓘГи пазам Твоите заповеди и Твоите сведоштва, зашто сите мои патишта се пред Тебе, Господи.

¹⁶⁹Нека допре до Тебе молбата моја, Господи; вразуми ме според Твоите збо­рови.

¹⁷⁰ⓙНека барањето мое дојде пред Тебе; избави ме според Твоето слово.

¹⁷¹Од устата моја нека се произнесе похвала, кога ќе ме научиш на Твоите повелби.

¹⁷²ⓚЈазикот мој нека ги разгласи Твои­те зборови, зашто сите Твои заповеди се праведни.

¹⁷³Нека ми биде Твојата рака на спа­сение, зашто Твоите заповеди ги избрав.

¹⁷⁴Копнеам, Господи, за спасение од Тебе и Твојот закон е мојата наслада.

¹⁷⁵ⓛНека живее душата моја и нека Те слави; и Твоите уредби нека ми помогнат.

¹⁷⁶ⓜСе заблудив како загубена овца: побарај го Твојот слуга, зашто не ги заборавив Твоите заповеди.