Псалми 129:1-8 MKDB2006 - Bible AI

¹ⓗЧестопати тие ме напаѓаа уште од младоста моја — нека каже Израел.

²ⓘЧестопати тие ме напаѓаа од младоста моја, но не ме совладаа.

³ⓙНа плешките мои орачи ораа, долги бразди повлекуваа.

⁴Но Господ праведен ги расече јажињата на нечестивите.

⁵ⓚНека се засрамат и нека се свртат назад сите, кои го мразат Сион!

⁶ⓛНека бидат како тревата на покрив, која се исушува пред да израсне,

⁷со која жетварот нема да ја исполни раката своја, ни прегратката своја оној што ја врзува во снопови!

⁸ⓜА минувачите да не викаат: „Благо­слов Господов на вас; ве благословуваме во името на Господ!“