Псалми 135:1-21 MKDB2006 - Bible AI

¹ⓡАлилуја! Фалете го името Госпо­дово, фалете го, слуги Господови,

²ⓢвие кои стоите во домот Господов, во дворовите од домот на нашиот Бог.

³ⓣФалете Го Господа, зашто Господ е добар; пејте Му на името Негово, зашто тоа е мило;

⁴ⓤзашто Господ го избра Јаков за Себе, Израел за Свој сопствен посед.

⁵ⓥБидејќи знам дека Господ е велик и дека нашиот Господ е над сите богови:

⁶ⓦГоспод прави сѐ што ќе посака, на небото и на Земјата, во морињата и во сите бездни;

⁷ⓧдоведувајќи облаци од краиштата на земјата, молњи при дожд создаде, Тој, Кој ги изведува ветровите од скровиш­тата нивни,

⁸ⓨОној, Кој ги порази првородените во Египет од човек до добиток,

⁹ⓩпокажа знаци и чудеса среде тебе, Египте, на фараонот и врз сите слуги негови,

¹⁰ⓐпорази многу народи и истреби сил­ни цареви:

¹¹ⓑСихон, царот аморејски, и Ог, царот башански, и сите цареви ханански;

¹²и му ја даде нивната земја во на­с­ледство на Својот народ Израел.

¹³ⓒГосподи, името Твое е вечно; Гос­поди, споменот за Тебе е од род во род.

¹⁴ⓓЗашто Господ ќе го штити Својот народ и ќе биде милостив над слугите Свои.

¹⁵ⓔИдолите на незнабошците се сребро и злато, дело на раце човечки;

¹⁶имаат уста, но не говорат; имаат очи, но не гледаат;

¹⁷имаат уши, но не слушаат ниту, пак, во устата нивна има здив.

¹⁸Слични на нив ќе бидат и оние, кои ги прават, и секој кој на нив се надева.

¹⁹Доме Израелов, благословувај Го Господа! Доме Аронов, благословувај Го Господа!

²⁰Доме Левиев, благословувај Го Гос­пода! И вие, кои се боите од Господ, благословувајте Го Господа!

²¹Нека е благословен Господ од Сион, Кој живее во Ерусалим!