Псалми 18:1-50 MKDB2006 - Bible AI

¹Те љубам, Господи, крепост моја!

²ⓗГоспод е моја карпа, моја тврдина и мој избавител, Бог мој, засолниште мое, во кое се засолнувам; мој штит, сила на спасението мое и крепост моја.

³Ќе Го призовувам Господа, достоен за слава и ќе се спасам од непријателите свои.

⁴ⓘЈажињата на смртта ме испреплетоа, и погубни потоци ме вознемирија;

⁵пеколни мрежи ме заробија, смртни стапици ме стегнаа.

⁶Во мојот очај Го повикав Господа и кон мојот Бог извикав. И Тој од Својот свет храм го чу гласот мој, и мојот вик стигна до Неговото уво.

⁷ⓙСе затресе и се разниша земјата; за­треперија и од темел се поместија горите, зашто Господ се разгневи;

⁸се крена дим од Неговите носници и од устата Негова пламна оган, кој проголтува сѐ; вжарени јаглења отскокаа од Него.

⁹ⓚГи наведна Тој небесата и слезе, — а мрак падна под нозете Негови.

¹⁰ⓛИ седна на херувим, па полета и се понесе на ветерни крилја.

¹¹ⓜОд мракот направи Свој заклон, и сенка околу Себе — од густи облаци полни со вода.

¹²Од молскање бегаа од Него обла­ците, градот и огнените јаглења.

¹³ⓝИ загрме Господ од небесата, и Севишниот го пушти Својот глас: град и разгорени јаглења.

¹⁴ⓞИ ги пушти стрелите Свои и ги распрсна, ги распали молњите — и ги растури.

¹⁵ⓟМорските дна се појавија, и осно­вите на вселената се разоткрија од страшната закана Твоја, Господи, од здивот на носниците Твои.

¹⁶Тој посегна од висините, и ме прифати, па ме извлече од многуте води.

¹⁷ⓠМе избави од силните мои непријатели и од оние кои ме мразат, од оние што се посилни од мене.

¹⁸Тие се кренаа против мене во денот на мојата несреќа, но Господ беше потпора моја.

¹⁹Ме изведе Тој на пространо место и ме избави, зашто ме засака.

²⁰Ме награди Господ според мојата правда, и според чистотата на моите раце ми врати,

²¹зашто ги запазив патиштата на Господ и не се оддалечив од мојот Бог;

²²зашто сите заповеди Негови се пред мене, и наредбите Негови не ги отстра­нив од себе.

²³Бев непорочен пред Него и се пазев од беззаконија.

²⁴И ми даде Господ според мојата правда, и по чистотата на рацете мои пред очите Негови.

²⁵Со светиите Ти постапуваш свето, со невин човек — си благ,

²⁶со чистиот — чисто, а со лукавиот — според неговото лукавство,

²⁷зашто Ти ги спасуваш угнетените, а горделивите ќе ги понизиш.

²⁸Зашто Ти го осветлуваш моето светило, Господи; мојот Бог ја осветлува темнината моја.

²⁹Со Тебе и чети совладувам, со мојот Бог и ѕид ќе прескокнам.

³⁰ⓡБог мој, непорочен е Неговиот пат, Господовите зборови со оган се пречис­тени; Тој е заштитник на сите, кои се засолнуваат кај Него.

³¹ⓢЗашто, кој е Бог, освен Господ, и кој е тврдина освен нашиот Бог?

³²Бог е Оној Кој ме препашува со си­ла и патот ми го расчистува.

³³ⓣМи ги прави нозете како на елен и ме поставува на височини;

³⁴ⓤми ги обучува рацете за борба, и мускулите мои ги прави да затегнуваат бронзен лак.

³⁵Ти ми даде заштита за моето спасение, Твојата десница ме прифати; Тво­јата поддршка ме издигна.

³⁶Ми даваш сигурност за чекорите мои, и нозете мои не се подлизнуваат.

³⁷Ги гонев непријателите мои и ги стигнав, и не се вратив, додека не ги победив;

³⁸ги притиснав, и тие не можеа да станат, паднаа под нозете мои,

³⁹зашто Ти ме препаша со сила за борба и ги собори пред мене оние, што станаа против мене;

⁴⁰Ти ги натера во бегство непријателите мои, и ги истребив сите оние, што ме мразат;

⁴¹тие повикаа, но немаше кој да ги спаси: и кон Господ, — но Тој не ги чу.

⁴²Ги иситнив како прав на ветар, ги згазив како кал по патиштата.

⁴³ⓥТи ме избави од народ бунтовен, ме постави за поглавар над народ, чии луѓе не ги познавав, и тие сега ми служат;

⁴⁴тие и мојот шепот го слушаат, ту­ѓинците ми се покоруваат;

⁴⁵ⓦтуѓинците бледнеат и треперат, излегувајќи од своите тврдини.

⁴⁶ⓧДа живее Господ, и нека е благо­словена Карпата моја! И нека се величи Бог на моето спасение.

⁴⁷ⓨБог, Кој одмаздува за мене, Кој ми ги покорува народите,

⁴⁸Избавител од моите гневни не­пријатели! Ти ме возвиси над оние, што стануваат против мене, и ме избави од насилникот.

⁴⁹ⓩПоради тоа Те славам пред народите, Господи, и го воспевам името Твое;

⁵⁰Ти Кој му даваш величествени победи на царот Свој и му правиш милост на Твојот помазаник Давид и на потомството негово — довека.