Псалми 20:1-9 MKDB2006 - Bible AI

¹ⓔНека те слушне Господ во тежок ден, да те заштити името на Бог Јако­вов.

²Да ти испрати помош од свети­лиштето и од Сион да те поткрепи.

³Нека си спомне за секоја твоја жрт­ва; и сепалениците твои да бидат примени.

⁴Да ти го даде Господ и она што ти срце сака; и сите твои помисли да ги исполни.

⁵Ќе се зарадуваме на твоето спасение и во името на нашиот Бог ќе ги подиг­неме нашите знамиња. Да ги исполни Господ сите твои молби.

⁶ⓕСега знам дека Господ ќе му помогне на Својот помазаник, ќе го ус­лиши од светите Свои небеса, со силата на Неговата победоносна десница.

⁷ⓖЕдни — со коли, други — со коњи, а ние со името на Господ, нашиот Бог, се фалиме:

⁸тие ќе се препнат и ќе паднат, а ние ќе се кренеме и ќе стоиме прави.

⁹ⓗГосподи, дај му победа на царот и слушни нѐ кога Ти се молиме!