Псалми 32:1-11 MKDB2006 - Bible AI

¹ⓘБлажени се оние, чии престапи им се простени, и чии гревови се покрие­ни!

²Блажен е оној човек, кого Господ не го смета за виновен, и во чиј дух нема измама!

³ⓙДодека молчев, се сушеја коските мои од секојдневното мое возди­шување,

⁴бидејќи и дење и ноќе тежеше над мене раката Твоја, се сушев како на летен припек.

⁵ⓚТогаш го признав гревот мој и не го сокрив беззаконието свое, па реков: „Ќе Му ги исповедам на Гос­под моите престапи,“ и Ти ми ја прости вината на гревот мој.

⁶Затоа секој побожен човек нека Ти се моли навреме, и тогаш притисокот од многуте води нема да го достигне.

⁷Ти си мое прибежиште, од маката со која сум опкружен Ти ќе ме избавиш; ќе ме опкружиш со спасоносни звуци.

⁸ⓛ„Ќе те вразумам,“ — вели Бог — „Ќе ти го покажам патот, по кој да одиш; ќе бдеат очите Мои над тебе.“

⁹„Не бидете како коњ или како маска, кои немаат разум, чија дивина со узда и оглавник се скротува за да ти се покоруваат.“

¹⁰Многу маки ќе го снајдат греш­никот; но оној кој има верба во Господ, него милост ќе го опкружува.

¹¹ⓜВеселете се во Господ и радувајте се, праведници: радувајте се сите кои сте со чисти срца.